上個禮拜利物浦隊長謝拉特係自己的 instagram開玩笑地上傳一張 謝拉特+ 沙比阿朗素=摩蘭奴的照片，而另一當事人沙比阿朗素亦係自己 instagram轉載照片承認摩蘭奴的「私生子」身份。其實除了謝拉特、沙比阿朗素和摩蘭奴，足球場上有不少球員都和球場外的一些演員、名人、卡通人物十分相似，一齊睇下足球場內外十大相似人物，不要傻傻分不清他們呀。
第十 祖亞倫/ Jamie Bell (英國演員)
Jamie Bell曾經係英國影藝學院電影獎最佳男主角獎得主，外貌俊朗不凡。看來如果祖亞倫不踢足球還可以當模特兒或演員。
第九 大衛雷斯/ Sideshow Bob (辛普森家庭)
Sideshow Bob根本就是卡通版大衛雷斯...
第八 朗尼/ 史力加
朗尼貌似史力加已經係多年前被英國球迷發現，大嘴巴、大鼻子、大耳朵，兩人的確有幾分相似。
第七 奧斯爾/ 恩佐·法拉利
「大眼仔」奧斯爾外表極似法拉利創辦人Enzo Ferrari，但更令人意想不到的是恩佐·法拉利係 1988 年八月十四日逝世，而奧斯爾則係 1988 年十月十五日出生，莫非奧斯爾係法拉利之父投胎轉世。
第六 鍾斯/ Beaker (The Muppet Show)
除了眼睛，其他根本一模一樣...
第五 基比斯/ 張伯倫
連球證都分不清二人，證明兩人有幾似樣啦。
第四 沙比阿朗素+謝拉特/ 摩蘭奴
不少球迷一早已經認為摩蘭奴和隊長謝拉特及沙比阿朗素兩人極似，幾日前連隊長謝拉特都係自己的 instagram上承認摩蘭奴係佢同沙比阿朗素的「私生子」，而另一球員沙比阿朗素亦係自己的 instagram轉載隊長的照片，證明摩蘭奴和隊長謝拉特及沙比阿朗素有幾似啦。
第三 墨西哥門將奧祖亞/ 吳鎮宇
你可能已經忘記了奧祖亞的本來名字，因為他實在太似香港藝人吳鎮宇，不少球迷腦海中只記得他叫墨西哥吳鎮宇或墨西哥大 Sam哥，可見奧祖亞和吳鎮宇有多相似。
第二 朗拿度/ 顏福偉
「白花油王子」顏福偉一直被指貌似肥哨，而顏福偉亦係 2002年世界盃親身到日本觀看巴西對德國的決賽並模仿當時肥哨的河童髮型。未知如果朗拿度唱歌可以比得上顏福偉唱歌動聽嗎?
第一 韋拿/ 陳肇麒
係 2010年陳肇麒一句「韋拿踢法似我」成為球迷多年以來依然難忘的「名句」。加上係球會和香港隊的球衣號碼都係 7號，當然和 7號的韋拿相似啦，再加上兩個大家都咁 "man"，相似度第一一定係你們兩個啦。
所以呢，如果大家係街上或足球場上見到以上球員或演員記得睇仔細少少，要小心不要叫錯人，不要重複之前有人係球場見到許志安然後仲話：「喺球場見到杜德偉先生，不過條友好寸，叫佢杜生都唔采（睬）人。」。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
請按此登錄後留言。未成為會員? 立即註冊