又係遲來的分析，希望球迷們唔好介意。
今場熱刺對利物浦比賽，比賽之前不少人睇好熱刺，認為狀態大勇的熱刺可以憑主場之利擊敗或賽和利物浦，不過開賽早段利物浦的入球改變整場比賽戰局，最終利物浦作客以 0:3擊敗熱刺。
這場比賽，熱刺明顯控球佔優達 60%，而傳球成功率更有 85%，不過係關鍵射門次數方面，熱刺只有 7次射門，1次射正，相反利物浦有 17次射門 8次射正，今場比賽可謂典型利物浦式踢法，放棄控球率以速度制勝。
今次利物浦後防四人中有三人係季初才加盟的球員，一開始個人擔心默契成疑，不過同時亦高興摩蘭奴可以守左路，畢竟對方熱刺右翼係速度甚高的拉美拿，必須以同樣速度甚高的摩蘭奴防守。
相比之前兩場比賽，利物浦後防失誤較少，只有給予對方三個機會，幸好對方球員未能把握。
第一個機會
第一個機會發生係史達寧射入第一球之後，熱刺中後場 Bentaleb以直線長傳給前鋒艾迪巴約。
係另一角度可以見到，當時利物浦防線算係壓得頗前，係 Bentaleb傳球一剎那，整條後防線已經接近中圈位置。另一點值得注意係當時四人防線摩蘭奴企位企得甚前，防線類似 352，未知是否羅渣士的安排。
結果這次長傳差點就做成失球，只可以話幸好艾迪巴約射得太高，如果係阿古路或蘇亞雷斯的話可能已經射入，當時位置上洛夫雲已經係慢半步，沙高更難以趕上。如果利物浦球迷有印象上場比賽的第三個失球，當時正係後防線推得太前而被阿古路射入，洛夫雲速度唔差但轉身偏慢，利物浦應該將防線輕微回後避免對方長傳快速反擊。同時兩個中堅距離亦偏遠，當洛夫雲失位時沙高已經無可能及時補位。
如果這次艾迪巴約射入，戰果可能不一樣，當時時間只係上半場 9分鐘。
第二個機會
第二個機會係上半場 42分鐘，當時艾迪巴約上前頂頭鎚二傳，同時負責防守艾迪巴約的洛夫雲亦跟上前爭頂。問題係位置上當時沙高較近，其實當時沙高亦有上前，只係艾迪巴約同洛夫雲已經快一步，結果係兩位中堅同時上前而做成中路重要位置無人防守，而艾迪巴約亦成功頂到足球給入攝成功的中場 Chadli係中間無人防守下射門，這次不得不讚米勞列 Simon Mignolet反應神速。
做成這次失誤可以話係默契不足，洛夫雲及沙高這對中堅組合係今季第一次合作，中堅默契只可以話需要時間培養，難以建議改善方法。不過個人認為除了兩名中堅外，這次防守另一亮點係祖亞倫。今次祖亞倫一直跟貼對方中場球員 Eriksen，可謂交足功課，而當 Eriksen係禁區附近停下時，祖亞倫依然繼續趕回禁區內嘗試幫助防守 Chadli，絕對係值得一讚。
另一角度可以清楚見到中間位置因為兩個中堅同時上前頂頭鎚而完全空曬。
除了以上兩個機會，熱刺另一次機會係洛夫雲個人失誤差點給予艾迪巴約單刀射門機會，不過幸好洛夫雲自己及時補救問題不大。
整體而言，今場比賽利物浦係防守上表現較之前兩場比賽穩健甚多，係鏟截 (tackles)數據上，隊中有五名球員有四次鏟截 (tackles)，全隊有 28次鏟截 (tackles)，可謂做得唔錯。不過有趣的是，作為第一防中，謝拉特只有三次鏟截 (tackles)，零次截球 (interceptions)，不禁懷疑隊長長遠是否適合繼續踢防中位置。
係進攻方面，摩蘭奴的第三個入球可謂神來之筆，當時個人亦以為他會傳球給中間的史杜列治或史達寧，直接射門可謂出人意表。
除了摩蘭奴，今場利物浦焦點可謂新加盟的巴洛迪利，暫時表現尚算對版，巴洛迪利可以利用優秀的 first touch, 控球及強壯身體為利物浦帶來其他前場球員不具備的能力，不過還是多睇幾場比賽才評論巴洛迪利吧。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
今場熱刺對利物浦比賽，比賽之前不少人睇好熱刺，認為狀態大勇的熱刺可以憑主場之利擊敗或賽和利物浦，不過開賽早段利物浦的入球改變整場比賽戰局，最終利物浦作客以 0:3擊敗熱刺。
這場比賽，熱刺明顯控球佔優達 60%，而傳球成功率更有 85%，不過係關鍵射門次數方面，熱刺只有 7次射門，1次射正，相反利物浦有 17次射門 8次射正，今場比賽可謂典型利物浦式踢法，放棄控球率以速度制勝。
今次利物浦後防四人中有三人係季初才加盟的球員，一開始個人擔心默契成疑，不過同時亦高興摩蘭奴可以守左路，畢竟對方熱刺右翼係速度甚高的拉美拿，必須以同樣速度甚高的摩蘭奴防守。
相比之前兩場比賽，利物浦後防失誤較少，只有給予對方三個機會，幸好對方球員未能把握。
第一個機會
第一個機會發生係史達寧射入第一球之後，熱刺中後場 Bentaleb以直線長傳給前鋒艾迪巴約。
係另一角度可以見到，當時利物浦防線算係壓得頗前，係 Bentaleb傳球一剎那，整條後防線已經接近中圈位置。另一點值得注意係當時四人防線摩蘭奴企位企得甚前，防線類似 352，未知是否羅渣士的安排。
結果這次長傳差點就做成失球，只可以話幸好艾迪巴約射得太高，如果係阿古路或蘇亞雷斯的話可能已經射入，當時位置上洛夫雲已經係慢半步，沙高更難以趕上。如果利物浦球迷有印象上場比賽的第三個失球，當時正係後防線推得太前而被阿古路射入，洛夫雲速度唔差但轉身偏慢，利物浦應該將防線輕微回後避免對方長傳快速反擊。同時兩個中堅距離亦偏遠，當洛夫雲失位時沙高已經無可能及時補位。
如果這次艾迪巴約射入，戰果可能不一樣，當時時間只係上半場 9分鐘。
第二個機會
第二個機會係上半場 42分鐘，當時艾迪巴約上前頂頭鎚二傳，同時負責防守艾迪巴約的洛夫雲亦跟上前爭頂。問題係位置上當時沙高較近，其實當時沙高亦有上前，只係艾迪巴約同洛夫雲已經快一步，結果係兩位中堅同時上前而做成中路重要位置無人防守，而艾迪巴約亦成功頂到足球給入攝成功的中場 Chadli係中間無人防守下射門，這次不得不讚米勞列 Simon Mignolet反應神速。
做成這次失誤可以話係默契不足，洛夫雲及沙高這對中堅組合係今季第一次合作，中堅默契只可以話需要時間培養，難以建議改善方法。不過個人認為除了兩名中堅外，這次防守另一亮點係祖亞倫。今次祖亞倫一直跟貼對方中場球員 Eriksen，可謂交足功課，而當 Eriksen係禁區附近停下時，祖亞倫依然繼續趕回禁區內嘗試幫助防守 Chadli，絕對係值得一讚。
另一角度可以清楚見到中間位置因為兩個中堅同時上前頂頭鎚而完全空曬。
除了以上兩個機會，熱刺另一次機會係洛夫雲個人失誤差點給予艾迪巴約單刀射門機會，不過幸好洛夫雲自己及時補救問題不大。
整體而言，今場比賽利物浦係防守上表現較之前兩場比賽穩健甚多，係鏟截 (tackles)數據上，隊中有五名球員有四次鏟截 (tackles)，全隊有 28次鏟截 (tackles)，可謂做得唔錯。不過有趣的是，作為第一防中，謝拉特只有三次鏟截 (tackles)，零次截球 (interceptions)，不禁懷疑隊長長遠是否適合繼續踢防中位置。
係進攻方面，摩蘭奴的第三個入球可謂神來之筆，當時個人亦以為他會傳球給中間的史杜列治或史達寧，直接射門可謂出人意表。
除了摩蘭奴，今場利物浦焦點可謂新加盟的巴洛迪利，暫時表現尚算對版，巴洛迪利可以利用優秀的 first touch, 控球及強壯身體為利物浦帶來其他前場球員不具備的能力，不過還是多睇幾場比賽才評論巴洛迪利吧。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
請按此登錄後留言。未成為會員? 立即註冊