閉起雙眼你最掛念誰,細數利物浦近年離隊的球星

利物浦係今季轉會市場可謂熱鬧非常,八名新球員加盟應該係近年最多球員加盟的一季,但同時亦有幾名利物浦球迷非常喜愛的球員離開,包括效力接近十年的門將連拿、上季神射手蘇亞雷斯、青訓出身的馬田基利,對球迷而言這次轉會期可謂有喜有悲。係度一齊回顧幾名近年離開利物浦的球星。


高治 Peter Crouch (2005–2008)


「長人」高治效力利物浦時間不算很長,可惜踢法並不太適合當時賓尼迪斯的要求而經常只以後備上陣,不過當時依然得到唔少利物浦球迷愛戴,入球後以機械舞方式慶祝相信令唔少球迷印象深刻。係英超三個球季以 85場射入 22球的記錄離開利物浦。

除此之外,高治上季代表史篤城主場對利物浦射入一球後拒絕慶祝,同某些球員對前東家入球後熱烈慶祝的反應可謂判若二人 (邊個?自己對號入座啦),難怪高治依然得到前球隊利物浦球迷的尊重。


沙比阿朗素 Xabi Alonso (2004–2009)

此情已成追憶

相信沙比阿朗素應該係近年最令利物浦球迷最懷念的球星,當年因為沙比阿朗素和領隊賓尼迪斯不和而被出售至皇馬後,接班人阿古蘭尼明顯無法接班,沙比的離隊更直接導致球隊成績一落千丈甚至連歐聯資格亦失去,可見沙比阿朗素在球隊的重要性。

沙比阿朗素最為利物浦球迷津津樂道的可能係第一季加盟即為球隊係 2005年歐聯決賽射入追平的一球,協助利物浦最終以 12碼擊敗 AC Milan,伊斯坦堡之夜更成為近年其中一場最精彩的比賽。

沙比阿朗素由 2004年開始至09年為利物浦上陣 143場比賽,沙比阿朗素、馬斯查蘭奴、謝拉特三人組成的中間中場絕對係近年英超其中一個最強的中場中組合。


Nevr forgotten

Xabi Alonso, incredible pass game
https://www.youtube.com/watch?v=xA57Hlkl1ZI


馬斯查蘭奴 Javier Mascherano (2007–2010)


馬斯查蘭奴絕對稱得上近年英超中其中一個最佳防中,馬斯的剷截成功率非常高,而且控球能力不俗,個人認為沙比阿朗素加上馬斯查蘭奴當年這雙防中組合可謂近十年最佳。

不過馬斯查蘭奴當年同利物浦可謂不歡而散,2010年夏季轉會期時,馬斯查蘭奴因想轉會巴塞而拒絕上陣對陣曼城的賽事,間接令利物浦大敗3-0,不過最終亦令他以約 2200萬歐元轉會成功巴塞。

但係係現在利物浦中場防守能力薄弱的情況下,不知大家會不會更懷念昔日馬斯查蘭奴的防守能力呢。


費蘭度·托利斯 Fernando Torres (2007–2011)

費蘭度·托利斯的轉會應該係其中一個最令球迷詫異的轉會,由 2007年轉投利物浦以來,托利斯為利物浦上陣 102場比賽射入 65個入球,可謂當年利物浦球迷最寵愛的球星。

可惜係2011年利物浦整體因領隊鶴臣帶領不濟而表現不佳的情況下,托利斯無法與球隊「共患難」,係 2011年冬季轉會期以 5000萬磅轉投車路士,當時絕對稱得上轟動整個球壇。

不過托利斯轉投車路士之後,托利斯為車路士係英超上陣 110場比賽只入得 20球,表現完全判若二人。由「王子」變成「廢托」,不知托利斯自己現在有何感想?




古治 Dirk Kuyt (2006–2012)


古治之前可謂一直都被一些球評家忽略,相比前隊友謝拉特、托利斯等「主角」,古治反而更願當配角,默默地甘當綠葉為球隊付出,不惜體力地走動為隊友補位為他贏得「鐵人」的美譽,而係中國大陸更有球迷戲稱古治為「勞模」(勞工的模範)。

古治效力利物浦六個球季上陣 285場之多,每季都至少上陣 40多場比賽,可謂利物浦陣中最不可或缺的球員。


https://www.youtube.com/watch?v=WM2Yg-mmza8


卡路爾 Andy Carroll (2011–2013)

卡路爾算是一個悲劇球員,記得當年紐卡素升班後頭幾場英超比賽已經對他印象深刻,強壯加上身高優勢令卡路爾被譬為新舒利亞,代表紐卡素係英超半季 19場已經射入11球的表現絕對係當時一時之選。

2011年冬季轉會期以破利物浦記錄 3500萬磅轉投利物浦,可惜不斷的傷患令他表現一落千丈,係利物浦的 44場英超比賽中只有 6個入球,更可惜係之後新領隊羅渣士對前鋒的要求同卡路爾踢法格格不入。更可惜係到現在轉會韋斯咸後依然繼續飽受傷患困擾。



連拿 Pepe Reina (2005–2014)


連拿可謂近年來離隊球員中效力最長的球員,由 2005年球季開始到上年2013年一直都係利物浦正選門將。多年來總共為球隊上陣 285場,更係 2009/20球季成為 Liverpool Player of the Season。

可惜之後表現下滑,上季外借拿坡里時公開對利物浦球迷發表感謝信令連拿同羅渣士產生不可磨滅的間膜;之後因薪酬問題無法轉會拿坡里,回到利物浦後一直都無法同羅渣士打破間膜。最終連拿僅以 200萬磅離隊轉投拜仁,算是令不少球迷失望的轉會吧。


蘇亞雷斯 Luis Suárez (2011–2014)

一張圖已經說明上季蘇亞雷斯的表現



當然除了以上介紹的球星,每季都會有不少球員離開,例如路易斯.加西亞 Luis Garcia、羅比堅尼、艾比路亞 Arbeloa、比拿美、麥斯 Maxi Rodriguez 、魯爾梅利斯 Raul Meireles、史比寧、唐寧、查理.阿當等等,太多不能每個介紹。



唔知大家又最掛念誰呢?


覺得小弟寫得都 ok的話或者想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

留言


請按此登錄後留言。未成為會員? 立即註冊
  • Tsin Long Fok 於 23/08/2014 評論 NO. 1

    Torres
    Suarez
    Alonso

  • Kewell Michael 於 25/08/2014 評論 NO. 2

    最掛念基維爾 其次係巴路士同邦高尼冼拿馬~~

快捷鍵:←
快捷鍵:→