Liverpool 近年青訓球員簡介之二 Jordon Ibe, Kristoffer Peterson

話說最近兩場熱身賽後,好多人開始留意到兩個青訓球員,包辦 3個助攻既 Jordon Ibe (艾比)同 2個入球既Kristoffer Peterson (柏達臣/或譯彼得遜)。其實兩個球員都曾經係2011/12同 12/13球季係青年軍合作過,對對方走位、特點可謂瞭如指掌,係度藉此機會先介紹佢地兩個「當紅」既青訓,其他青訓球員之後得閒再介紹佢地。

小弟準備介紹的兩個青訓係去美國集訓時 selfie.

Jordon Ibe
8 December 1995


簡介:
2011年底由英甲 Wycombe Wanderers球會買入,之前係 Wycombe Wanderers射入一球,成為當時英格蘭職業聯賽 (英超、英冠、英甲及英乙四級聯賽)最年輕入球紀錄者,Liverpool當時幸運地擊敗其他列強簽入 Jordon Ibe。

Jordan Ibe 15歲係英乙入球
https://www.youtube.com/watch?v=Uz4xny4OuaM
上季一月Ibe外借英冠伯明翰,上陣11場次射入 1球1助攻。不過其實 Ibe 只係上陣咗 528分鐘,4次正選上陣,其餘時間係後備入替,表現算係中規中矩。

Strength優勢:
相比史達寧,Jordon Ibe更強壯 (81公斤),速度甚至比史達寧更高 (搵唔返數據出處)。係外借英冠伯明翰對黑池時中路快速突破,博到當時另一Liverpool 外借球員 Jack Robinson last man defender 犯規領紅。另外Ibe 助攻意識算係唔錯,助攻意識方面比起青年軍時期既史達寧好得多。

Weakness弱項:
走位唔夠史達寧同另一青訓 Harry Wilson靈活,更加唔洗同史杜烈治或者蘇亞雷斯比;有時會有傳統英式翼鋒死扭爛扭習慣,傳球時機依然掌握唔夠好,浪射極多,入球數量尚有好大進步空間。(大佬,Liverpool 前場除咗 Sterling個個都浪射)。

Opportunity 機會:
係之前三場熱身賽當中,Ibe 都有上陣並有不俗表現,如果波連尼真的離開 Liverpool,Liverpool 係 433陣容中只剩 Sterling, Lallana,新加盟 Lazar Markovic 或者 Suso 四個適合翼鋒位置,純翼鋒出身既 Ibe 應該有更多機會獲得 Rodgers 青睞。


個人觀點:
有趣既係 Ibe 同史達寧差一年但同月同日生(12月8日),踢法亦頗類似史達寧,但位置同史達寧相反,史達寧青訓時踢左翼(LW)出身,到 Liverpool 一隊時踢右翼(RW);而相反 Ibe 青訓時較多踢右翼,以前更加多係右路或中路突破,上到一隊同上屆外借伯明翰時就踢左翼(LW)為主。如果 Ibe 有能力上一隊,Ibe同史達寧兩人比賽踢反擊時可以互調走位,加上史杜烈治,一定會係可怕組合。


但其實即使我自己,對 Ibe 既評價都好兩極,因為相比其他青年軍球員,Ibe身體強壯而且速度極高,印象之前係有統計顯示 Ibe 速度甚至比史達寧更高。但傳統英式翼鋒死扭爛扭,死衝落底既習慣不改善的話,頂多只會成為下一個禾確特 (甚至比不上禾確特),甚至好驚佢死扭爛扭成為下一個摩西斯。

希望係 BR 調教下,Ibe 知道點走位,幾時要傳波,改善射門質素,想當時史達寧亦有死扭爛扭既壞習慣。如果 Ibe 可以改善走位同射門技巧,相信成就不比史達寧差,畢竟先天條例不俗,關鍵在於Ibe會唔會「開竅」。


個人認為上位可能:4.5 (5分最高)

< 1 2 >

留言


請按此登錄後留言。未成為會員? 立即註冊
    快捷鍵:←
    快捷鍵:→