海外分析:你必須知道的文基路

相信唔少球迷對剛剛由馬體會外借加盟的右閘文基路 (Javier Manquillo)感到陌生,而且今季文基路係聯賽只有上陣三場賽事,數據不多。所以我找了一些海外專欄作家/記者文章,睇下他們對文基路睇法。以下為英國著名足球雜誌 442 (FourFourTwo) 專欄作家 Paul Wilkes 係今年七月時寫的一篇介紹文基路的文章 "Everything you need to know about... Javi Manquillo" 部份重點節錄。



文基路 (Javi Manquillo)出身自馬體會青訓營。馬體會青訓近年人材輩出,除了前利物浦球員費蘭度托利斯以外,近年亦有不少出色青訓,包括當紅的中場高基 (Koke)、另一紅人 Oliver Torres, Saul Niguez 以及 Jose Gimenez 等。

文基路同時亦係 2012年西班牙贏得歐洲 u19成員之一。早係 2011/12球季,文基路已經在施蒙尼提拔下第一次為一隊上陣。係施蒙尼帶領下,文基路係西甲聯賽只有總共上陣六場,反而較多係盃賽上陣。然而係上季2013/13球季只有三場聯賽上陣當中,文基路已經有頗高的 14次鏟截紀錄。

上季較可惜的是係二月西班牙國王盃四強次回合比賽,文基路同 C.朗拿度相撞後頸椎受傷,被迫養傷超個一個多月到季尾。

同西班牙前輩艾斯派古達一樣,文基路係必要時可以改踢左閘。文基路踢法可謂以穩健小心為上,相比佐迪.艾巴,文基路係踢波風格上更接近另一個前利物浦球員艾比路亞

上季當大衛·韋拿從巴塞以極低的轉會費轉會到馬體會時,據報文基路係巴塞想交換的三個球員其中一個的。

文基路依然年輕,需要更多比賽時間成長,而相信足總盃同聯賽​​杯將會給予文基路更多上陣發揮才華的好機會。



Strength優勢:
文基路並非傳統西班牙型後衛,文基路會較著重於防守多於進攻。同時位置感極佳,幾乎沒有胡亂冒險上前做成後防失誤。

另外以相對較矮小的球員而言(5尺9寸約 180cm),文基路的彈跳及頭鎚能力算是一流的。

文基路喜歡短傳為主,而傳球時亦以小心為上,所以較多傳給位置更好、更有創造力的隊友而非表現自己。亦因此係助攻數據上並不算亮眼。

除此之外,優秀的閱讀球賽能力、體能及身體對抗代表文基路必要時可以改踢中堅位置


Weakness弱項:
當現今足球強調邊後衛利用球場闊度拉開空位,而作為邊後衛,文基路在這方面可以有提升空間。另外文基路的傳中可以話係特別差,但合適的球隊戰術也許可以減低文基路這些缺點。

係防守方面,文基路的穩定性依然有待提高。同好多年輕球員一樣,文基路有需要提高他比賽時的專注力,這將會增加更多的上陣時間。



four four two 新星評分:
射門: 4
頭鎚: 7
傳球:7
攔截: 8
速度: 8
盤扭: 6
創造力: 4
效率: 8


覺得小弟寫得都 ok的話或者想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc


最後另外附上上季2月時,文基路係西班牙國王盃對皇馬比賽精華

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Xavi F
    Xavi F 於 10/08/2014 評論 NO. 1

    今日對多蒙 踢到翼鋒咁喎。。

快捷鍵:←
快捷鍵:→