天妒英才,回看英超「容易受傷的男人」

最近利物浦前鋒史杜列治一傷再傷,係對修咸頓賽事梅開二度之後又再受傷,需要等到明年才可以復出。

作為職業足球員,最可怕的敵人往往不是對方球員,而係自身的傷患影響足球事業,畢竟足球員只有短短十數年的黃金時間。除了史杜列治,單係英超已經有不少具天份的球員因傷患而大大影響表現,一齊回顧一下近年英超球壇中的「悲劇人物」。

作為利物浦球迷,史杜列治絕對係「讓我歡喜讓我憂」。基本上只要史杜列治無傷無病,健康的史杜列治幾乎已經係入球保證,係英超聯賽上陣 60場已經射入 37球,係前季與蘇亞雷斯組成的 SAS更令其餘十九支球隊聞風喪膽,不過可惜由上季開始,史杜列治斷斷續續不斷因傷缺陣,如果上季史杜列治可以整季無傷的話,羅渣士可能也能保住帥位了。



上圖可以見到史杜列治過去的受傷紀錄,史杜列治身上幾乎有機會受傷的地方都曾受傷過,不禁想起一句,天將降大任於斯人也,必先勞其筋骨...

除了史杜列治,前利物浦前鋒卡路爾亦係令利物浦球迷感到惋惜的球員。

係費蘭度托利斯離隊後,利物浦急需一名費蘭度托利斯的替補,於是利物浦意外地以高價 3500萬鎊從紐卡素購入仍然受傷的前鋒卡路爾。當時卡路爾被稱為「新舒利亞」、「空中霸王」,係英超首半個球季代表紐卡素上陣 19場已經射入 11球,入球能力令不少英格蘭球迷期待。

不過卡路爾係加盟利物浦後一直不斷受傷患困擾,最終係利物浦兩個半球季上陣 58次只射入11球。係 2013/14球季,利物浦終於以 1500萬鎊「大減價」將卡路爾售予韋斯咸。可惜卡路爾係轉會韋斯咸後依然繼續不斷因傷而無法上陣,至今四個球季 (包括一個外借球季)只曾上陣 64次,斷斷續續的傷患令昔日英格蘭新希望表現比以前更糟,現在卡路爾幾乎已經與英格蘭代表隊無緣了。



提到英格蘭的希望,另一昔日英格蘭中場夏格維斯亦係一名令人歎息的球員。夏格維斯係少數由德甲班霸拜仁慕尼黑出道的英格蘭球員,當年年僅 25歲的夏格維斯係 2006年世界盃表現非常出色,同時亦被英格蘭球迷投票選為當年英格蘭國家隊最佳球員,令夏格維斯成為歐洲炙手可熱的防守中場。

不過好景不常,夏格維斯係 2007年加盟曼聯後除了首個球季之外,由 2008/09球季開始夏格維斯一直受傷患困擾,兩個膝蓋都曾需要動手術,期間更曾養傷達 18個月之久,結果之後三個球季間只曾上陣少4次,之後更被費格遜放棄。及後夏格維斯係 2011/12球季以自由身加盟曼城,不過效力曼城期間夏格維斯繼續受膝傷困擾,一整個球季亦只上陣 4次,最終以 31歲之齡提早退休。



除了夏格維斯,阿倫史密夫絕對係曼聯陣中另一的「悲劇人物」。阿倫史密夫由另一曼聯傳統死敵列斯聯青訓出身,當列斯聯於 2004年宣佈破產並降班至英甲後,阿倫史密夫亦於當季以 700萬鎊轉會曼聯。係首個球季阿倫史密夫為曼聯上陣了 31場聯場射入 6球,表現算係不過不失。

阿倫史密夫職業生涯的轉捩點係 2006年2月18日,當時阿倫史密夫係足總盃賽事中遇上利物浦,係下半場比賽的尾段,利物浦後衛懷斯開出「炮彈式」罰球,但阿倫史密夫因飛身擋下懷斯炮彈式罰球而付出沉重的代價。當時阿倫史密夫因而腳脛骨斷裂、腳根關節移位,係受傷長達一年後復出的阿倫史密夫已經無法和當年相比,最終阿倫史密夫以 700萬英鎊加盟紐卡素。不過更糟糕的是,阿倫史密夫係加盟紐卡素後表現更一蹶不振,上陣 84場零入球,表現已經無法再和當年列斯聯的最佳年青球員相比。之後阿倫史密夫成為球壇浪人,上季效力英甲諾士郡。




當年「訓身」擋下懷斯罰球

要數球場上的「玻璃人」、「容易受傷的男人」,前阿仙奴球員迪亞比一定榜上有名,而且更係當中的「狀元」。

迪亞比係效力阿仙奴的十個球季只有兩個球季上陣超過三十次以上,近四個球季更只有 22場上陣紀錄。即使係阿仙奴球迷,能夠記得迪亞比係場上有所表現的場面都不是一件易事。


海外諷刺迪亞比的漫畫

當然,要數「容易受傷的男人」,球壇中又怎只以上幾名球員,禾確特、活基治、奧雲、前利物浦前鋒施斯、華美倫等等都是「易傷之人」,單係英超已經有數之不盡的球員因傷患影響場上表現,只可以說一句「天妒英才」。

各位球迷如果想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Joe Lam
    Joe Lam 於 20/12/2015 評論 NO. 1

    看圖學英語

  • 李展耀
    李展耀 於 20/12/2015 評論 NO. 2

    diaby表示

  • Hoi Tat Yiu
    Hoi Tat Yiu 於 20/12/2015 評論 NO. 3

    未睇先估禾確特,迪阿比

  • Waiching NG
    Waiching NG 於 21/12/2015 評論 NO. 4

    迪亞比38秒好似唔單只講迪亞比wo XD

  • Calvin Chang
    Calvin Chang 於 21/12/2015 評論 NO. 5

    其實仲有艾殊頓。。。
    呢個先係新舒利亞,卡路爾唔係。。。

  • Kenneth Chau
    Kenneth Chau 於 21/12/2015 評論 NO. 6

    講傷點可以唔講路斯基

  • Ivan Fong
    Ivan Fong 於 21/12/2015 評論 NO. 7

    京治

  • 沈沈樂
    沈沈樂 於 21/12/2015 評論 NO. 8

    唔好傻啦,唔係用阿仙奴傷兵使主幹,此post已完。我廠文員威震全球。

  • 姓李名宇
    姓李名宇 於 21/12/2015 評論 NO. 9

    插電半年,通話一分鐘

  • Hars Lo
    Hars Lo 於 21/12/2015 評論 NO. 10

    活基治

  • Peter Tong
    Peter Tong 於 21/12/2015 評論 NO. 11

    阿古路

  • Mak Ting Him
    Mak Ting Him 於 22/12/2015 評論 NO. 12

    文員 夏格

  • Weng Hang Tang
    Weng Hang Tang 於 22/12/2015 評論 NO. 13

    都係哥句 耐操都係天賦,話之你幾高攻 HP得1都係冇用

  • Freddy Tam
    Freddy Tam 於 22/12/2015 評論 NO. 14

    夏格好慘,差唔多係直接掛靴
    最好波係佢

快捷鍵:←
快捷鍵:→