原創分析:車路士對利物浦,無名英雄成關鍵

上場利物浦作客車路士,憑洛夫雲以及軒達臣上半場各入一球,利物浦以兩球領先進入更衣室,不過近況大勇的迪亞高哥斯達係 60分鐘追回一球,令車路士保持希望,係完場前車路士更係禁區邊獲得一個頗佳位置的罰球,可惜車路士未能把握,最終車路士被利物浦擊敗,打破今季不敗紀錄。

客觀而言,利物浦兩個入球都非常精彩,軒達臣上的入球更可謂難以防守,車路士失敗亦係非戰之罪

先看利物浦第一個入球,當時利物浦係左邊獲得罰球,剛開始時禁區邊共有 7名車路士球員,利物浦則有 6名球員。




不過利物浦並無第一時間傳中,而係由古天奴傳到同樣係左邊位置的占士米拿,韋利安上前迫搶。




占士米拿回傳古天奴,留意此時車路士禁區防線,係古天奴傳中一刻,車路士球員意外地只看足球,幾乎完全忽略了後面幾個利物浦球員,結果洛夫雲係無人防守下射入。客觀而言,如果泰利在陣指揮的話,相信防線會更好一點。

利物浦今場有兩名球員必須特別一提,拉蘭拿、軒達臣絕對係利物浦今場關鍵人物。小弟找不到拉蘭拿係今場的跑動範圍數據,不過就比賽所見,拉蘭拿係比賽中可謂滿場飛,係防守上更多次為隊友補位


係上半場 30分鐘左右,拉蘭拿係右中場接應界外球時被車路士迫失,之後車路士傳回門將高圖爾斯再作組織,不過拉蘭拿依然不惜體力繼續上前嘗試迫搶(左上角)。車路士門將高圖爾斯傳到防中簡迪開始組織攻勢,留意此時拉蘭拿已經跑到簡迪附近,嘗試搶截簡迪腳下足球(右上角)。之後簡迪傳到奧斯卡、馬迪組織攻勢。留意當車路士組織攻勢時,利物浦組成 5人中場防守,此時拉蘭拿已經回到後場協助防守(左下角)。不過馬迪意外直接把球傳到古天奴。古天奴控球後發動反擊,當時左後衛占士米拿亦立即跑到前場協助古天奴(右下角)。



可惜古天奴係大約中場位置被簡迪攔截成功,留意此時占士米拿已經跑到古天奴左側,當車路士由速度甚高的韋利安係利物浦左側反擊時,占士米拿已經來不及回防

不過幸好拉蘭拿已經及時補回占士米拿的左後衛空間,和回防的古天奴一起防守韋利安,如果沒有拉蘭拿,韋利安一定可以輕易傳中,最終韋利安選擇自己射門並射偏,利物浦暫時保持不失。

由今次例子可以見到,拉蘭拿係不足一分鐘之內,由進攻右中場位置、到對方禁區附近、到中場中防守,再跑到左後衛位置補位,幾乎球場上所有位置都可以看到拉蘭拿的身影,無論進攻防守都多次見到拉蘭拿。



由數據顯示,今場到處都可以見到拉蘭拿的身影,名義上拉蘭拿係一名中場中球員,不過拉蘭拿跑動範圍甚廣,左中場、中場、右中場都有拉蘭拿傳球數據。

除了拉蘭拿,今場軒達臣的表現亦係勝出關鍵。面對強大的車路士,軒達臣係今場共作出 2次成功鏟截 tackles、4次截球 interception、84%傳球成功率,當然更重要係射入一個漂亮入球。其實軒達臣今場表現並非曇花一現,軒達臣今季到目前為止總共作出 324次傳球,係英超球員之冠,更重要係當中有 67.9%傳球係向前傳球,說明軒達臣並非「擦數據」,而係真真正正為球隊進攻、組織作出貢獻。




雖然利物浦今場擊敗車路士,不過利物浦依然有不少改善之處。利物浦係過去 5場英超比賽,除了對般尼茅夫和李斯特城比賽時,利物浦係另外 3場比賽都曾在 60分鐘後失球,相反車路士連續 5場比賽都係下半場都有入球。個人認為利物浦不惜體力的迫搶令球員係下半場中段表現輕微下滑,今場利物浦的失球亦和兩名以跑動最多的兩名球員,拉蘭拿、軒達臣未能跟貼馬迪有少少關係。




係對車路士比賽之前,利物浦係英超廿隊中跑動最多的球隊,拉蘭拿、軒達臣分別係英超跑動第二及第四,相反車路士係跑動方面只排第 16,說明兩名領隊的戰術風格迴異,亦可能係兩隊到了下半場中段體力、表現明顯有分別的其中一個原因。




總括而言,利物浦把握了兩次車路士的輕微失誤,而干地太遲換人、迪亞高哥斯達下半場轉身射門太中間等令車路士今季不敗之身被打破。

各位球迷如果想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

標籤: 利物浦  車路士  拉蘭拿  軒達臣  

留言


請按此登錄後留言。未成為會員? 立即註冊
  • Gor SK 於 18/09/2016 評論 NO. 1

    其實樓主都好客觀,好多謝你幫我地講好話,但非戰之罪又不至於,我地真係有一定失誤係抵輸

快捷鍵:←
快捷鍵:→