原創分析:李斯特城對利物浦,西班牙之旅、開花但未能結果

英超第二十六輪:李斯特城3:1利物浦

註: 今次利物浦賽後分析由 Lee Jeremiah(啫喱)分析。

網絡中對利物浦評語極為負面,筆者則認為利物浦今仗並非無可取之處,過去的西班牙集訓似乎戰術上有成果,但戰果上未能表現。筆者將會從三方面分析今仗:

1. 利物浦、李斯特城戰術對決
2. 西班牙集訓成果
3, 個別球員點評 (盧卡斯Lucas、古天奴Coutinho)

利物浦、李斯特城戰術對決

基本上,利物浦有3種進攻組織方法,但李斯特城上半場的逼搶、下半場的退守,完完全全剋制利物浦每一種進攻組織方法,導致全失3分。

回合1: 利物浦兩邊Low-Cross傳中 vs. 李斯特城前場迫搶,阻止向前傳送



回合2: 利物浦長傳快速進攻 vs. 李斯特城反搶



回合3: 利物浦逼搶反擊 vs. 李斯特城放棄中場控球



西班牙集訓成果

只論戰術,不論戰果,西班牙集訓似乎為利物浦帶來2個改變/進步:

1. 改善球員走位傳球意識,同時提升傳球速度
利物浦過往被批評「傳球組織太慢,往往要控一腳、望定、先至傳波」,今仗有數次表現球員可以以「一腳波」組織,不但顯示球員的傳球能力,更是球員之間的默契: 知道走向那裡、知道傳向那裡。




2. 5-2-1-2陣式 (見下圖)

當落後到3-0時,助教Željko Buvač與高普商量後似乎就示意作出換人調動;「固執」的高普似乎望見戰況,也無奈接受轉陣、換人。5-2-1-2陣式在今仗的發揮固然有所不足,但至少顯示領隊終於願意作出較大的變化。



個別球員點評

盧卡斯:盧卡斯是目前陣中筆者最喜歡的球員之一,可惜他絕對不適合擔任中堅。筆者想集中點評他的制空能力、位置;作為防守中場也許足夠,但作為中堅面對長傳時,必須第一時間搶點、解除威脅。但數據上,盧卡斯勝出的頭槌只有4次,而李斯特城前鋒華迪 (Vardy)足足有8次...



古天奴:另一位巴西球員,狀態比最近數場有所提升,但仍未達最佳狀態。筆者再次強調,希望古天奴可以更多擔當攻擊中場的角色 (雖然位置上他屬於4-3-3的左翼鋒位置,但可以透過隊友走位,讓古天奴更多出現在中路,擔任攻擊中場的角色),他在禁區頂保護皮球、盤扭、致命傳球的能力是陣中最佳,是中路連繫中前場的重要人物。



各位球迷如果想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

如果喜歡我們的文章,請即分享到︰

標籤: 利物浦  李斯特城  

留言

會員
我要評論
請按此登錄後留言。未成為會員? 立即註冊
  • Gerrard Chim
    Gerrard Chim 於 28/02/2017 評論 NO. 1

    停咗22日,H14又傷,預咗懶野

  • Tiger Wong
    Tiger Wong 於 28/02/2017 評論 NO. 2

    講真轉左五後衛,好似組織好左,d 人放擔去攻,效果唔錯,古天真係最適合攻擊中場,佢又有後上能力,又有遠射,傳球又毒,成日叫佢打邊,係間中有特破,不過減少左佢多張刀的威力,真係要轉陣,隊長傷左叫米拿同盧卡斯做防腰算,如果一定要出安利㨂,叫佢做後衛啦,佢起埋夠高夠大隻,又快少少,如果想攻就出韋拉度母代米拿

  • rickytct
    rickytct 於 28/02/2017 評論 NO. 3

    起我角度上利係打343,但掉番轉又咁講,我始終覺得韋拿杜母最皆位置係後上入波,而唔係企起d中堅前面。不過呢個陣法,未必真係咁岩利,因為d閘,比人完爆既機會好高,而又未至於好似人地摩西斯阿朗素、walker,rose咁能攻善守同好氣好力

  • Bennet Liv Lee
    Bennet Liv Lee 於 28/02/2017 評論 NO. 4

    睇過好多場利記,最初真係唔明點解利記對強隊可以不敗,甚至可以取勝,但對弱旅就好大機會敗北,發覺一切都係同戰述有關。

    利記現時班底係非常適合打逼搶反擊戰術,每每對強隊都能夠响前場逼搶成功然後以高速反擊取得致勝入球,相信球員下咗唔少苦功嘅成果。值得留意嘅係,對強隊嘅時候利記控球率係比較低。

    但每對弱旅嘅時,利記往往束手無策,這是由於對方往往泊大巴。除了文尼外,利記球員沒有個人技術去突破密集式防守,亦沒有快傳及組織能力去作出攻擊,以致往往傳失球被對方反擊而敗北。同樣值得留意係,對弱旅時利記控球率係偏高。

    利記強項係逼搶,偷對方腳下球再作出高速返擊,但這戰術絶對不適用於對弱旅,因為對賽時利記佔了絶大部份的控球權。換句話說,利記對弱旅根本沒有機會發揮自己嘅強項,相反卻不斷暴露自己的弱點。

  • rickytct
    rickytct 於 01/03/2017 評論 NO. 5

    利記攻力強係事實,對強隊隨左車仔曼聯,一般暴露較多空位,先唔評論迫搶成功與否,但往往容易製造空位令球員成功入攝。對弱旅或者偏重防守既球隊,利記的確能夠主導比賽,但最大問題始終係後防,容易比人打反擊,之前對狼隊同尋日對李城就係好例子。而的確冇組織能力係猁既最大問題,同埋較少針對性部署

  • Anakin Cheung
    Anakin Cheung 於 01/03/2017 評論 NO. 6

    路數比人睇通,過度依賴文尼,迷信休息足夠等於有狀態,球員位置錯配,心機算盡但落筆打三更。

  • Matthew Choi
    Matthew Choi 於 01/03/2017 評論 NO. 7

    我再重申一次 佢係個防中

  • Weng Ip Choi
    Weng Ip Choi 於 01/03/2017 評論 NO. 8

    唔係個個當馬斯查蘭奴咁可以踢防中同中堅

  • Ming Cheung
    Ming Cheung 於 01/03/2017 評論 NO. 9

    世上可以兼任防中同中堅,仲要踢得好的球員,只有馬斯同查維馬天尼斯

  • Victor Man
    Victor Man 於 01/03/2017 評論 NO. 10

    都係嗰句利記最大問題係喺安利簡恩度,影響晒中前場串連。17年佢正選嘅比賽好似未嬴過,冇佢嗰場就輕取熱刺。

  • Victor Man
    Victor Man 於 01/03/2017 評論 NO. 11

    都係嗰句利記最大問題係喺安利簡恩度,影響晒中前場串連。17年佢正選嘅比賽未嬴過,冇佢嗰場就輕取熱刺。

  • kinfung
    kinfung 於 01/03/2017 評論 NO. 12

    安利簡打防中真系收得皮,其實軒達臣一傷用盧卡斯打防中,matip拍卡拉雲或者洛夫雲打中堅應該就ok,盧卡斯冇神軒既長傳能力,但有全班中場入面最強既防守能力

  • Roy Cheng
    Roy Cheng 於 02/03/2017 評論 NO. 13

    盧卡斯打防中。
    高美斯打中堅。
    Can 打後備

快捷鍵:←
快捷鍵:→