原創分析:巧婦難為無米之炊,數據細看利物浦不足之處

利物浦係高普上任後表現依然未有大幅改善,當中主要原因當然並非高普能力不足,而係陣中傷兵滿營,加上不少球員失誤連連,今次文章主要以數據回顧利物浦係防守、中場組織、以及進攻 3方面的問題並提出建議。

防守方面:

根據 Whoscored.com的資料顯示,利物浦後防失誤頗多,單係英超前五名因失誤而讓對方射門的球員中 Error leading to shot,利物浦竟然佔了 3名,包括洛夫雲、安利簡、史基泰爾都榜上有名。相信不少球迷都記得安利簡係今季連續三次係禁區解圍失誤令對手有機可乘,對水晶宮時更因安利簡係禁區朝中間解圍這種「低級失誤」而令利物浦痛失三分。



而根據另一數據分析網站 squawka資料顯示,因防守失誤而令對方入球 Defensive Error leading to goal的前五名球員當中,安利簡以及米勞列亦榜上有名。更嚴重的係利物浦至今已經有 5次防守失誤導致對方入球,當中還不包括摩蘭奴係對車路士時近距離欣賞拉美利斯的頭鎚,數據說明利物浦後防失誤連連。



建議: 過去係羅渣士時代,球員亦都失誤連連,當時羅渣士堅持不需要防守教練,不過回看利物浦後防表現,個人認為管理層有必要加插一名防守教練係高普的教練團中,減少後防不必要失誤。或是如果季中球員依然失誤連連,利物浦有必要買入後防指揮官型球員係場上指揮防守企位以及該注意的地方。
係對波爾多的比賽中,門將米勞列控球達 21秒而成為笑柄,其實除了米勞列係比賽中「思考人生」之外,後防球員亦需要「提醒」一下米勞列不要發夢,而現在利物浦陣中的確欠缺了一名能夠指揮其他球員的大將。

除此之外,個人亦懷疑「語言」會否係後防球員溝通的障礙。利物浦後防除了佳尼之外,其他球員的母語都非英語,摩蘭奴、沙高現在都正在學習英語中,雖然史基泰爾係英國達八年之久,不過史基泰爾的英語口音其實頗重,洛夫雲英語程度一般,幾名後防的語文能力會否影響溝通值得懷疑。

中場組織

除了防守,安利簡係進攻組織上表現亦令人失望,回顧過去對車路士以及水晶宮的比賽,安利簡的傳球成功率可謂非常之低。下圖傳球數據對比同位置的盧卡斯以及安利簡,盧卡斯係對車路士比賽中 45次向前傳球 Forward passes有 37次成功,向前傳球成功率為 82%,但安利簡 23次向前傳球只有 16次成功,向前傳球成功率只有 69.5%。當盧卡斯係對水晶宮比賽中 42次向前傳球 Forward passes有 33次成功,向前傳球成功率有 78%時,安利簡只有 70%成功率,數據都明顯比盧卡斯差


盧卡斯、安利簡傳球對比

建議: 安利簡初出道時被譬為「新舒韋恩史迪加」,位置上和當年的舒韋恩史迪加都係 Box to box中場,不過就個人觀察安利簡係利物浦以及德國 u21歐洲國家盃的賽事,安利簡係進攻傳球表現比當年的舒韋恩史迪加明顯都差太多,但偏偏安利簡喜歡帶球上前,結果反而拖慢進攻節奏以及浪費進攻機會,對比舒韋恩史迪加,暫時安利簡反而更應學習當年的基迪拉,專心一意係防守工作上,避免「兩頭唔到岸」。

當然如無意外,高普應該繼續會以 4231成為利物浦常規陣式,當軒達臣復出之後,軒達臣可能會和安利簡競爭 4231的兩個防中位置其中一個,相比安利簡,軒達臣的傳球、助攻都明顯技勝一籌,如果安利簡係進攻傳球方面未能進步,軒達臣復出之後應該都可以穩佔一席正選位置。

一般球隊面對對方死守時,兩翼傳中可謂最常見的方法,著名的有當年莫耶斯以 81斬對付死守的富咸,今個月亦有中國隊不斷以傳中對付香港隊,成效如何大家心中有數。兩翼傳中可謂最簡單、直接的辦法,問題係兩翼傳中需要多於一名「頂得之人」係禁區接應,加上剛巧對方中堅的頭鎚能力一般,否則只會浪費進攻時間。

係對水晶宮的比賽,利物浦兩名後衛上前助攻,不過兩人 17次傳中只有 3次成功,摩蘭奴 13次傳中只有 2次成功,成功率只有 15%,說明摩蘭奴的傳中質素只算係一般,因此建議利物浦應減少以摩蘭奴以及佳尼係兩則傳球,畢竟數據已經說明一切,加上利物浦除賓迪基之外其他球員頭鎚能力普通,利物浦應加強以古天奴、拉蘭拿或者係費明奴係中路附近進攻,可能成效更好。


摩蘭奴以及佳尼傳球分佈圖

進攻方面:

今季利物浦除了守不穩,最大問題係攻不銳。三名前鋒史杜列治、艾格斯、賓迪基連續不斷受傷,令高普巧婦難為無米之炊。奧歷治前季 13/14球季係里爾表現不錯,不過當時奧歷治踢的是最擅長的右翼鋒位置,上季奧歷治表現明顯下滑,當中有不少原因,不過其中一個原因係奧歷治不時改踢正前鋒位置,而偏偏奧歷治非常不擅長踢正前鋒位置,結果今季利物浦係前鋒無人可用的情況下要奧歷治再踢不擅長的位置,表現如何大家心裡有數。

除此之外,數據亦說明利物浦一眾球員的射門表現,係廿支英超球隊中,利物浦竟然係入球轉換率最差的球隊,只有 10.5%,即係大約 10次射中才射入一球,相比曼聯、愛華頓、韋斯咸大約 20%的入球轉換率,即係利物浦要多一倍的射門才有機會射入同樣的入球數,說明利物浦球員浪費了不少射門機會。



建議: 利物浦現今只有一名正宗前鋒賓迪基,巧婦難為無米之炊,未知費明奴踢正前鋒是否長遠之計,如無意外,利物浦係冬季有必要收購多一名有把握力的前鋒。

註: 英超數據並不包括對曼城的賽事

各位球迷如果想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

如果喜歡我們的文章,請即分享到︰

標籤: 利物浦  高普  洛夫雲  安利簡  史基泰爾  英超  

留言

會員
我要評論
請按此登錄後留言。未成為會員? 立即註冊
  • Camus Cheng
    Camus Cheng 於 29/11/2015 評論 NO. 1

    呢d數據,係計埋rodgers在任時時期。
    咁樣入埋 klopp 數,好似。。。。。

  • Thomas Mike Hin Sing
    Thomas Mike Hin Sing 於 29/11/2015 評論 NO. 2

    希望軒仔快d出番黎 等can坐下😣

  • Gazen Chan
    Gazen Chan 於 30/11/2015 評論 NO. 3

    古仔係邊?

  • 博文
    博文 於 30/11/2015 評論 NO. 4

    安利can 始終太後生

  • Torres Gor
    Torres Gor 於 30/11/2015 評論 NO. 5

    高普上任以黎都算好左好多啦.同埋有D野唔係數據可以表達到出黎.例如高普團火~

  • 鄒凱賓
    鄒凱賓 於 30/11/2015 評論 NO. 6

    註所有數據不包括勝利嘅比賽……

  • Ben Yuen
    Ben Yuen 於 30/11/2015 評論 NO. 7

    數字遊戲!贏咪得囉!

  • Wong Lo
    Wong Lo 於 30/11/2015 評論 NO. 8

    高普上任後, 只係頭3場打和, 之後7場贏咗6場. 喺咁短嘅時間之內, 在傷兵滿營及沒有購買任何新球員嘅情況之下做出咁嘅成績, 對我嚟講唔單止係大幅改善, 簡直係奇績.

  • Wong Lo
    Wong Lo 於 30/11/2015 評論 NO. 9

    睇吓依個你就知就算大家同樣係英國人, 但隨時都一樣唔明大家講嘜 lol
    http://www.si.com/extra-mustard/2015/10/06/wayne-rooney-bbc-documentary-scouse-accent-subtitles

  • Edward Ma Wing Yin
    Edward Ma Wing Yin 於 01/12/2015 評論 NO. 10

    大部分都同意,不過防守上計算好多BR時代的數據其實對高普唔太公平。
    另外,高普打高強度緊逼確實對有意對攻的球隊好有效,但對手泊大巴就接近冇符....要諗諗PlanB....兩翼出波打高空波有Benteke 都未必太過差....

  • Son Ng
    Son Ng 於 01/12/2015 評論 NO. 11

    其實呢……小豬係打翼鋒出身架……

快捷鍵:←
快捷鍵:→