剩下三個球員中，萊斯亦非可以輕易購入的球員，而對剛剛失去利雲杜夫斯基的高普而言，同時失去萊斯恐怕等如摧毁整條進攻線，所以有理由相信即使萊斯離開多蒙特亦唔會係今個夏天的事。卡路士韋拿合約到2018年，對已經失去基沙文(Griezmann) 的皇家蘇斯達而言可能不會輕易再出售另一主力。不過我依然嘗試比較一下三人同蘇亞雷斯上屆表現。
整體而言，毫無疑問蘇亞雷斯表現一枝獨秀，其次是萊斯，整體而言卡路士韋拿亦唔錯，但單以進攻 Firmino似乎比卡路士韋拿更佳。
係射門及入球方面以90分鐘計，蘇亞雷斯 0.94代表幾乎90分鐘就入一球，表現係四大聯賽之中只有美斯 c朗可以媲美，之後以萊斯表現第二，但要注意的是萊斯總共有6個入球來自十二碼，卡路士韋拿及 Firmino係入球能力方面可謂不相佰仲，但同蘇亞雷斯比較卻幾乎相差一半。
係助攻、關鍵傳球方面，萊斯表現反而最好，蘇亞雷斯第二，但卡路士韋拿及 Firmino係這方面同蘇亞雷斯相比反而差距較少。
以上三人萊斯名氣最大，個人能力早已不用懷疑，係入球及助攻能力最接近蘇亞雷斯，但相信高普絕不輕易出售萊斯，而且萊斯早以係轉會市場大紅人，Liverpool 面對競爭不少。
阿仙奴出身的卡路士韋拿早已對英超聯賽不會陌生，而且係「前鋒」位置上最適合替代蘇亞雷斯。但對卡路士韋拿而言留係皇家蘇斯達似乎是首選，上個月才與皇家蘇斯達簽約四年，今個夏季亦未曾聽過轉會新聞。反而隊友基沙文轉會消息由世界盃傳到依家，最近消息確定基沙文將會轉會馬德里體育會。
最後，賀芬咸攻中Roberto Firmino亦有一定能力替代蘇亞雷斯。同萊斯一樣係德甲，兩人係進攻數據上其實相差並不太大。另外上圖沒有顯示，Firmino過去兩季其實進步神速，從2012/13球季5個入球進步到上季16入球，助攻從2個增加到11個，射門命中率由43%上升到56%，有理由相信 Firmino下季可能依然繼續有進步空間。而傳聞身價2000歐元相信亦對 Liverpool不是問題。
根據 whoscored.com 資料顯示， Firmino 33場上陣16入球及11次助攻，曾經9次評為 whoscored.com Man of the Match。
進攻方面， Firmino 可以踢前場多個位置，個人亦相信出色的場均 4.5次盤扭亦可為 Liverpool 拉開更多空間。
總括而言，要搵出蘇亞雷斯的替代者幾乎是不可能的任務。入球與助攻數字最接近的球員可算是美斯 (28入球)及阿歷山齊士 (19入球)，難怪當初有傳羅渣士睇中阿歷山齊士。但萊斯、卡路士韋拿及 Firmino算是可以係入球、助攻上「部份」替代蘇亞雷斯的球員。而以現實考量，Liverpool 應該嘗試購入價廉物美 Roberto Firmino，嘗試以 Firmino的入球及助攻能力加強前場進攻。
https://www.youtube.com/watch?v=er-GdWLW5F4
請按此登錄後留言。未成為會員? 立即註冊