上季利物浦表現明顯不及前季，除了因為失去蘇亞雷斯以及史杜列治受傷患困擾等原因之外，個人認為另一問題係利物浦陣式上出現問題。
羅渣士係利物浦的三個球季中，幾乎已經嘗試過當今球壇所有陣式，由 442鑽石中場、442平排中場、352、433、451、3421等陣式都曾嘗試過，而單單係上季亦嘗試過 442、451、3421三種陣式。問題係: 如果今日你問利物浦球迷利物浦最合適的陣容係那一種，恐怕不少利物浦球迷亦未必知道。
係當今球壇，不少出色領隊都會有自己的足球哲學以及固定陣式，除非有主力球員受傷或比賽中要突然加強火力而改變戰術，否則大部份領隊都會以自己固有的陣式比賽，當中最著名的可能係摩連奴、賓尼迪斯以及高普。三人都係 451陣式的忠實支持者，而費格遜二十多年的執教生涯中則偏好傳統 442陣式。固定陣式好處係領隊可以按自己的足球風格買入需要的球員，例如摩連奴偏好一名控球能力高的正中鋒型前鋒係前場衝鋒陷陣，賓尼迪斯偏好可以自己「搵食」的技術型前鋒例如費托以及希古恩。另外三名領隊都強調至少一名破壞能力極高的防守中場例如馬迪、馬斯查蘭奴、賓達等。
當然係球壇中亦有少部份領隊的確會按球員而制定陣式，當中最著名的一定係前皇馬領隊安察洛堤。係安察洛堤執教生涯中，安察洛堤可謂「跟足潮流」，亦按球員風格以不同陣式應戰。例如當初係 AC米蘭時，安察洛堤偏好以當時流行的 4321聖誕樹陣式，隨後亦因隊內射手舒夫真高、基斯普、恩沙基轉踢 4312，並以 4個 10號為前鋒提供支援。而到皇馬之後，安察洛堤花了幾場比賽後發現 433陣式明顯比較適合皇馬。除了安察洛堤，當今球壇中哥迪奧拿、雲加等少數領隊亦能改變陣式，找出最適合球隊的陣式。
雖然少數領隊會因球員而改變陣式，但依然甚少領隊係一季之中內嘗試過三種或以上陣式。一般而言領隊應該係四分一球季內已經非常了解球員的優缺點，但羅渣士係蘇亞雷斯離隊至今彷彿依然未找到利物浦長遠合適的陣式及戰術。如果要為羅渣士辯護的話，只能說因為太多新加盟球員令羅渣士要花更多時間了解他們的優缺點。
係季初，利物浦曾嘗試 442以及 451陣式但效果一般。而之後羅渣士嘗試出令人意外的 3421陣式。3中堅陣式毫無疑問係當今球壇罕見的陣式，主要原因係 3中堅面對對方 3前鋒時往往出現一對一情況，或者係左右中場回防太慢時以中堅面對頂尖兩翼時係速度上處於下風。而且 343或 3421對隊中中場兩翼位置球員要求極高，因為 343陣式下兩翼球員係防守時有可能要一個人面對對方閘位及翼位球員。
話雖如此，利物浦係轉踢 3421陣式後成績曾一度反彈，連續擊敗修咸頓、熱刺等球隊，但係季尾連敗於曼聯以及阿仙奴之後，羅渣士自己又彷彿對 3421失去信心轉踢 451及 433陣式。
其實當時羅渣士應該對 3421更有信心，始終係英超中踢 3前鋒或擁有頂尖兩翼的球隊不多，即使輸給曼聯和阿仙奴，但相比之下 3421係上季依然係比較適合利物浦的陣式，可惜的係之後利物浦不斷變陣影響了之後球員的發揮。係對阿仙奴比賽之後，利物浦係剩下的 9場比賽中只有 3勝 4負的恥辱成績，當中更包括 6:1大敗於史篤城腳下。
雖然利物浦上季經歷了不斷「變陣試陣」的情況，不過亦非全無得著，至少係 3421陣式中發掘到古天奴的最佳位置。比起傳統 10號攻中，古天奴應該貼近前鋒身後係大禁區角位邊、即香港人傳統俗稱的「K角位」附近活動。
以利物浦目前的人腳而言，小弟認為利物浦可能比較適合 433陣式。係來季利物浦的陣容中，新加盟的占士米拿以及費明奴係位置上擁有極大的彈性。占士米拿能勝任右中場、攻中、Box to box中場位置；另一新加盟球員費明奴無論左右翼、攻中還是 false9前鋒都有能力勝任。古天奴、費明奴都可以出任三前鋒左右翼位置，必要時費明奴甚至可以以 false9身份踢三前鋒中間位置。三中場位置可以由軒達臣、占士米拿或拉蘭拿，再加上防守中場位置的盧卡斯組成三中場。係購入占士米拿及費明奴後，利物浦係攻中及兩翼位置嚴重出現人滿之患，拉蘭拿、古天奴、馬高域、占士米拿、費明奴、艾比等等，似乎羅渣士必須係開季前確定來季陣式及正選陣容。
總括而言，利物浦今季係多名球員離隊以及加盟後，羅渣士除了要讓新球員盡快適應、磨合之餘，亦希望羅渣士盡快找出固定的陣式並固定球員位置應付來季，不要重蹈覆轍，再浪費一整季時間去慢慢找出合適利物浦的陣式。
覺得小弟寫得 ok或想要更多 Liverpool資訊，可以到 fb按個讚支持下啦。
https://www.facebook.com/myheartisredlfc
羅渣士係利物浦的三個球季中，幾乎已經嘗試過當今球壇所有陣式，由 442鑽石中場、442平排中場、352、433、451、3421等陣式都曾嘗試過，而單單係上季亦嘗試過 442、451、3421三種陣式。問題係: 如果今日你問利物浦球迷利物浦最合適的陣容係那一種，恐怕不少利物浦球迷亦未必知道。
係當今球壇，不少出色領隊都會有自己的足球哲學以及固定陣式，除非有主力球員受傷或比賽中要突然加強火力而改變戰術，否則大部份領隊都會以自己固有的陣式比賽，當中最著名的可能係摩連奴、賓尼迪斯以及高普。三人都係 451陣式的忠實支持者，而費格遜二十多年的執教生涯中則偏好傳統 442陣式。固定陣式好處係領隊可以按自己的足球風格買入需要的球員，例如摩連奴偏好一名控球能力高的正中鋒型前鋒係前場衝鋒陷陣，賓尼迪斯偏好可以自己「搵食」的技術型前鋒例如費托以及希古恩。另外三名領隊都強調至少一名破壞能力極高的防守中場例如馬迪、馬斯查蘭奴、賓達等。
當然係球壇中亦有少部份領隊的確會按球員而制定陣式，當中最著名的一定係前皇馬領隊安察洛堤。係安察洛堤執教生涯中，安察洛堤可謂「跟足潮流」，亦按球員風格以不同陣式應戰。例如當初係 AC米蘭時，安察洛堤偏好以當時流行的 4321聖誕樹陣式，隨後亦因隊內射手舒夫真高、基斯普、恩沙基轉踢 4312，並以 4個 10號為前鋒提供支援。而到皇馬之後，安察洛堤花了幾場比賽後發現 433陣式明顯比較適合皇馬。除了安察洛堤，當今球壇中哥迪奧拿、雲加等少數領隊亦能改變陣式，找出最適合球隊的陣式。
雖然少數領隊會因球員而改變陣式，但依然甚少領隊係一季之中內嘗試過三種或以上陣式。一般而言領隊應該係四分一球季內已經非常了解球員的優缺點，但羅渣士係蘇亞雷斯離隊至今彷彿依然未找到利物浦長遠合適的陣式及戰術。如果要為羅渣士辯護的話，只能說因為太多新加盟球員令羅渣士要花更多時間了解他們的優缺點。
係季初，利物浦曾嘗試 442以及 451陣式但效果一般。而之後羅渣士嘗試出令人意外的 3421陣式。3中堅陣式毫無疑問係當今球壇罕見的陣式，主要原因係 3中堅面對對方 3前鋒時往往出現一對一情況，或者係左右中場回防太慢時以中堅面對頂尖兩翼時係速度上處於下風。而且 343或 3421對隊中中場兩翼位置球員要求極高，因為 343陣式下兩翼球員係防守時有可能要一個人面對對方閘位及翼位球員。
話雖如此，利物浦係轉踢 3421陣式後成績曾一度反彈，連續擊敗修咸頓、熱刺等球隊，但係季尾連敗於曼聯以及阿仙奴之後，羅渣士自己又彷彿對 3421失去信心轉踢 451及 433陣式。
其實當時羅渣士應該對 3421更有信心，始終係英超中踢 3前鋒或擁有頂尖兩翼的球隊不多，即使輸給曼聯和阿仙奴，但相比之下 3421係上季依然係比較適合利物浦的陣式，可惜的係之後利物浦不斷變陣影響了之後球員的發揮。係對阿仙奴比賽之後，利物浦係剩下的 9場比賽中只有 3勝 4負的恥辱成績，當中更包括 6:1大敗於史篤城腳下。
雖然利物浦上季經歷了不斷「變陣試陣」的情況，不過亦非全無得著，至少係 3421陣式中發掘到古天奴的最佳位置。比起傳統 10號攻中，古天奴應該貼近前鋒身後係大禁區角位邊、即香港人傳統俗稱的「K角位」附近活動。
以利物浦目前的人腳而言，小弟認為利物浦可能比較適合 433陣式。係來季利物浦的陣容中，新加盟的占士米拿以及費明奴係位置上擁有極大的彈性。占士米拿能勝任右中場、攻中、Box to box中場位置；另一新加盟球員費明奴無論左右翼、攻中還是 false9前鋒都有能力勝任。古天奴、費明奴都可以出任三前鋒左右翼位置，必要時費明奴甚至可以以 false9身份踢三前鋒中間位置。三中場位置可以由軒達臣、占士米拿或拉蘭拿，再加上防守中場位置的盧卡斯組成三中場。係購入占士米拿及費明奴後，利物浦係攻中及兩翼位置嚴重出現人滿之患，拉蘭拿、古天奴、馬高域、占士米拿、費明奴、艾比等等，似乎羅渣士必須係開季前確定來季陣式及正選陣容。
總括而言，利物浦今季係多名球員離隊以及加盟後，羅渣士除了要讓新球員盡快適應、磨合之餘，亦希望羅渣士盡快找出固定的陣式並固定球員位置應付來季，不要重蹈覆轍，再浪費一整季時間去慢慢找出合適利物浦的陣式。
覺得小弟寫得 ok或想要更多 Liverpool資訊，可以到 fb按個讚支持下啦。
https://www.facebook.com/myheartisredlfc
請按此登錄後留言。未成為會員? 立即註冊