英超第十七輪比賽，當中最受注目的比賽非利物浦主場迎戰阿仙奴莫屬，雙方都排出較進取的陣容，利物浦以 343陣式迎戰，而阿仙奴亦以 433迎對，比賽之前已經可以遇見這是一場開放的比賽，而雲加能否一報上季大敗之仇亦係今場比賽的焦點。
利物浦的 343陣容，羅渣士繼續以史達寧為前鋒，古天奴及拉蘭拿係左右協助。
今場比賽，利物浦明顯掌握較多控球權，射門機會亦較多全場有超過 20次射門，可惜球員把握力明顯不足，否則利物浦應該可以係上半場鎖定勝局。
拉蘭拿進攻
上半場拉蘭拿接應謝拉特分波向前推進，明顯見到阿仙奴山齊士非常勤力回防迫搶，相反阿仙奴三中場距離拉蘭拿有一段距離。
面對山齊士迫搶，拉蘭拿非常聰明地分波給邊路較多空間的馬高域，而自己繼續向前入攝。
另一角度可見阿仙奴中場空間頗大，幸好山齊士勤力回防，而馬高域之後傳給拉蘭拿位置上剛剛好。
可惜拉蘭拿射門高出，否則早段已經可以領先。
馬高域半單刀
之後利物浦不乏攻勢，可惜埋門一腳總係「差少少」。謝拉特傳球，韋碧克頭鎚解圍時差點鑄成大錯，令馬高域獲得半單刀機會。
可惜馬高域射得太正，浪費了一次黃金機會。
古天奴入球
係上半場 44分鐘，利物浦終於打開缺口。上圖係軒達臣傳球一剎那間，明顯見到阿仙奴中場壓迫不足，亦證明其實軒達臣係進攻方面比防守上更具天份。
古天奴扭開中堅射門，角度用得好盡，而阿仙奴兩名中堅需負上一定責任。
不過可惜係古天奴入球三分鐘不到，阿仙奴已經藉罰球機會扳平，相信當時對利物浦士氣打擊好大。
迪保治入球
係上半場補時階段，山齊士開出罰球，留意當時利物浦禁區內人數明顯較阿仙奴多，但三次頭鎚爭頂都被阿仙奴爭勝，真的情何以堪。第一次梅迪薩卡爭頂贏高路托尼都算情有可原，不過作為阿仙奴陣中最高球員，利物浦早應更好好防守梅迪薩卡，但結果依然被梅迪薩卡爭贏頭鎚。
之後盧卡斯和法米尼爭頂，不過當時盧卡斯已經先失身位，讓法米尼輕鬆把球頂前。
最後迪保治和史基泰爾爭頂，但當時史基泰爾同樣已經先失身位，竟然被對方係小禁區頂入。
留意當時利物浦係禁區內明顯有人數優勢，但結果三次頭鎚都被阿仙奴球員頂到，證明利物浦現在係防守上缺乏一個指揮官指揮其他球員防守，結果各自為政，係這方面羅渣士須負擔起責任。
下半場利物浦依然創造出不少機會，但最後射門一腳依然欠缺質素，相信如果 SAS在陣的話早已把機會轉化成入球。
史達寧機會
作為正前鋒，史達寧最大優勢係速度極高，而今次機會正正係以史達寧速度突破對方防線。而阿仙奴明明知道這一點，係 1:1平手情況下防線依然推得頗前，結果令後防有空間讓史達寧發揮所長，可謂相當不智。
當時門將出迎明顯係錯誤決定，如果係其他球員已經有可能嘗試係禁區邊射空門。
不過幸好阿仙奴球員回防算快，而史達寧係三名利物浦球員作出選擇時亦思考得算慢，個人認為如果早一點傳給拉蘭拿可能更適合。
史達寧最終選擇傳給後上的謝拉特，可惜謝拉特頭鎚頂高，又浪費了一次入球機會。
雖然利物浦掌握著控球並有多次射門，可惜大多浪費掉機會，相反阿仙奴簡單反擊已經能取得入球，利物浦全隊上下都必須要好好反省檢討問題。
基奧特入球
係 64分鐘，謝拉特長傳給右中場軒達臣但被阿仙奴攔截，山齊士及基比斯立即策動反擊，注意當時右中場位置的軒達臣亦已經立即回防協助防守，畢竟面對基比斯，軒達臣係速度上明顯無法佔到便宜，而且係位置上已經和基比斯有一小段距離。
係利物浦 433陣容中，右中堅高路托尼係這時候就必須面對兩個選擇，一係上前迫搶基比斯，另一選擇係繼續原位，釘緊後上的卡索拉，結果高路托尼並未上前迫搶基比斯，個人認為係這次決定上高路托尼選擇係對的，高路托尼有必要避免後防線其餘兩名中堅面對對方三名球員。
可惜基比斯傳球給基奧特後，基奧特巧妙地第一時間傳到利物浦三名中堅身後的空間，發揮柱躉式中鋒作用、二傳，相信當時如果基奧特傳球力度輕微少少，卡索拉已經可以獲得單刀機會。不過即使用力多少少，面對速度較慢及已經失掉位置的高路托尼，卡索拉依然輕易係禁區左側傳中給門前的基奧特門射門。
這次失球史基泰爾明顯責無旁貸，作為中堅係一對一情況下依然無法好好防守好基奧特，相信係和三名中堅互相溝通不足，史基泰爾專注力不足所致。
幸好最終史基泰爾係補時階段將功補過，係帶傷的情況下頂入一球，結果雙方各得一分完場。
全場統計資料
今場比賽其中一個有趣之處在於利物浦擁有極高的控球率及射門次數，而阿仙奴 36%控球率係近年最低的控球率。不過阿仙奴即使射門次數不多，依然能有效製造兩個入球，而利物浦 27次射門亦係近年射門次數最多的比賽。
中場成比賽關鍵
有觀看比賽的球迷都知道，利物浦難得完全控制今場比賽，其中主要原因在於中場人數分別，利物浦以 4中場迎戰阿仙奴 3中場，加上古天奴、拉蘭拿經常回到中場幫助，而另外二名中場馬高域、軒達臣等亦係活動能力頗高的球員，更令阿仙奴 3名中場球員係位置上疲於奔命。
根據 whoscored數據，盧卡斯、古天奴及拉蘭拿擁有全場最高 6次鏟截 tackles，相反阿仙奴防守中場法米尼竟然一次鏟截 tackles都無。如果讀者當日有觀看比賽，可能記得法米尼係上半場早段已經獲得一張黃牌，而不久之後又一次侵犯拉蘭拿獲得一次球證警告，之後法米尼係防守上變得更小心翼翼，令利物浦 4人中場球員完全控制中場及比賽節奏。
今場比賽除了入球，史基泰爾的堅持亦值得球迷尊敬。係下半場中段，中堅史基泰爾被阿仙奴前鋒基奧特的釘鞋不小心踩中，之後係場上包紮好後再係補時階段頂入一球追成平手。
賽後史基泰爾係 Instagram po上傷口照片，可見頭部至少釘了八針，而利物浦治療師 Chris Morgan亦係自己 twitter寫到今次史基泰爾頭部的傷口係治療過最大的頭部傷口，但當時依然繼續比賽，敬業精神值得尊敬。
總括而言，今場比賽賽和可謂合理戰果，利物浦擁有更多機會而阿仙奴則擁有較佳把握力。不過今場比賽同時暴露了雙方弱點，利物浦的 343係面對對方翼兩翼反擊時，係位置上及分工時明顯不夠清晰，而阿仙奴的 3中場攔截能力明顯太弱，相信雙方領隊有必須好好檢討。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
利物浦的 343陣容，羅渣士繼續以史達寧為前鋒，古天奴及拉蘭拿係左右協助。
今場比賽，利物浦明顯掌握較多控球權，射門機會亦較多全場有超過 20次射門，可惜球員把握力明顯不足，否則利物浦應該可以係上半場鎖定勝局。
拉蘭拿進攻
上半場拉蘭拿接應謝拉特分波向前推進，明顯見到阿仙奴山齊士非常勤力回防迫搶，相反阿仙奴三中場距離拉蘭拿有一段距離。
面對山齊士迫搶，拉蘭拿非常聰明地分波給邊路較多空間的馬高域，而自己繼續向前入攝。
另一角度可見阿仙奴中場空間頗大，幸好山齊士勤力回防，而馬高域之後傳給拉蘭拿位置上剛剛好。
可惜拉蘭拿射門高出，否則早段已經可以領先。
馬高域半單刀
之後利物浦不乏攻勢，可惜埋門一腳總係「差少少」。謝拉特傳球，韋碧克頭鎚解圍時差點鑄成大錯，令馬高域獲得半單刀機會。
可惜馬高域射得太正，浪費了一次黃金機會。
古天奴入球
係上半場 44分鐘，利物浦終於打開缺口。上圖係軒達臣傳球一剎那間，明顯見到阿仙奴中場壓迫不足，亦證明其實軒達臣係進攻方面比防守上更具天份。
古天奴扭開中堅射門，角度用得好盡，而阿仙奴兩名中堅需負上一定責任。
不過可惜係古天奴入球三分鐘不到，阿仙奴已經藉罰球機會扳平，相信當時對利物浦士氣打擊好大。
迪保治入球
係上半場補時階段，山齊士開出罰球，留意當時利物浦禁區內人數明顯較阿仙奴多，但三次頭鎚爭頂都被阿仙奴爭勝，真的情何以堪。第一次梅迪薩卡爭頂贏高路托尼都算情有可原，不過作為阿仙奴陣中最高球員，利物浦早應更好好防守梅迪薩卡，但結果依然被梅迪薩卡爭贏頭鎚。
之後盧卡斯和法米尼爭頂，不過當時盧卡斯已經先失身位，讓法米尼輕鬆把球頂前。
最後迪保治和史基泰爾爭頂，但當時史基泰爾同樣已經先失身位，竟然被對方係小禁區頂入。
留意當時利物浦係禁區內明顯有人數優勢，但結果三次頭鎚都被阿仙奴球員頂到，證明利物浦現在係防守上缺乏一個指揮官指揮其他球員防守，結果各自為政，係這方面羅渣士須負擔起責任。
下半場利物浦依然創造出不少機會，但最後射門一腳依然欠缺質素，相信如果 SAS在陣的話早已把機會轉化成入球。
史達寧機會
作為正前鋒，史達寧最大優勢係速度極高，而今次機會正正係以史達寧速度突破對方防線。而阿仙奴明明知道這一點，係 1:1平手情況下防線依然推得頗前，結果令後防有空間讓史達寧發揮所長，可謂相當不智。
當時門將出迎明顯係錯誤決定，如果係其他球員已經有可能嘗試係禁區邊射空門。
不過幸好阿仙奴球員回防算快，而史達寧係三名利物浦球員作出選擇時亦思考得算慢，個人認為如果早一點傳給拉蘭拿可能更適合。
史達寧最終選擇傳給後上的謝拉特，可惜謝拉特頭鎚頂高，又浪費了一次入球機會。
雖然利物浦掌握著控球並有多次射門，可惜大多浪費掉機會，相反阿仙奴簡單反擊已經能取得入球，利物浦全隊上下都必須要好好反省檢討問題。
基奧特入球
係 64分鐘，謝拉特長傳給右中場軒達臣但被阿仙奴攔截，山齊士及基比斯立即策動反擊，注意當時右中場位置的軒達臣亦已經立即回防協助防守，畢竟面對基比斯，軒達臣係速度上明顯無法佔到便宜，而且係位置上已經和基比斯有一小段距離。
係利物浦 433陣容中，右中堅高路托尼係這時候就必須面對兩個選擇，一係上前迫搶基比斯，另一選擇係繼續原位，釘緊後上的卡索拉，結果高路托尼並未上前迫搶基比斯，個人認為係這次決定上高路托尼選擇係對的，高路托尼有必要避免後防線其餘兩名中堅面對對方三名球員。
可惜基比斯傳球給基奧特後，基奧特巧妙地第一時間傳到利物浦三名中堅身後的空間，發揮柱躉式中鋒作用、二傳，相信當時如果基奧特傳球力度輕微少少，卡索拉已經可以獲得單刀機會。不過即使用力多少少，面對速度較慢及已經失掉位置的高路托尼，卡索拉依然輕易係禁區左側傳中給門前的基奧特門射門。
這次失球史基泰爾明顯責無旁貸，作為中堅係一對一情況下依然無法好好防守好基奧特，相信係和三名中堅互相溝通不足，史基泰爾專注力不足所致。
幸好最終史基泰爾係補時階段將功補過，係帶傷的情況下頂入一球，結果雙方各得一分完場。
全場統計資料
今場比賽其中一個有趣之處在於利物浦擁有極高的控球率及射門次數，而阿仙奴 36%控球率係近年最低的控球率。不過阿仙奴即使射門次數不多，依然能有效製造兩個入球，而利物浦 27次射門亦係近年射門次數最多的比賽。
中場成比賽關鍵
有觀看比賽的球迷都知道，利物浦難得完全控制今場比賽，其中主要原因在於中場人數分別，利物浦以 4中場迎戰阿仙奴 3中場，加上古天奴、拉蘭拿經常回到中場幫助，而另外二名中場馬高域、軒達臣等亦係活動能力頗高的球員，更令阿仙奴 3名中場球員係位置上疲於奔命。
根據 whoscored數據，盧卡斯、古天奴及拉蘭拿擁有全場最高 6次鏟截 tackles，相反阿仙奴防守中場法米尼竟然一次鏟截 tackles都無。如果讀者當日有觀看比賽，可能記得法米尼係上半場早段已經獲得一張黃牌，而不久之後又一次侵犯拉蘭拿獲得一次球證警告，之後法米尼係防守上變得更小心翼翼，令利物浦 4人中場球員完全控制中場及比賽節奏。
今場比賽除了入球，史基泰爾的堅持亦值得球迷尊敬。係下半場中段，中堅史基泰爾被阿仙奴前鋒基奧特的釘鞋不小心踩中，之後係場上包紮好後再係補時階段頂入一球追成平手。
賽後史基泰爾係 Instagram po上傷口照片，可見頭部至少釘了八針，而利物浦治療師 Chris Morgan亦係自己 twitter寫到今次史基泰爾頭部的傷口係治療過最大的頭部傷口，但當時依然繼續比賽，敬業精神值得尊敬。
總括而言，今場比賽賽和可謂合理戰果，利物浦擁有更多機會而阿仙奴則擁有較佳把握力。不過今場比賽同時暴露了雙方弱點，利物浦的 343係面對對方翼兩翼反擊時，係位置上及分工時明顯不夠清晰，而阿仙奴的 3中場攔截能力明顯太弱，相信雙方領隊有必須好好檢討。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
請按此登錄後留言。未成為會員? 立即註冊