原創分析:利物浦對車路士,利物浦必須改善默契不足、逼搶失效

英超第十三輪:利物浦1:1車路士

註: 今次同樣由啫喱分析。

本文比較利物浦、車路士中場球員進攻時的換位意識,以及詳細分析利物浦前場、中場逼搶失效原因。

比較兩隊中場進攻換位意識

車路士中場組織強,勝在1. 球員換位意識純熟、2. 球員挨近一邊,造成「不對稱」的人數優勢。見圖一及影片一,車路士中場球員熟練換位,互相清楚隊友走位方向,有如「預知」隊友的走位、傳球方向。





利物浦的情況正正相反。見圖二,Lallana辛辛苦苦參與換位後,Moreno無傳球給他,亦無隊友善用他拉出的空位。最大責任並非個別球員,(再次重申)是訓練問題,訓練未能培養球員的默契,結果比賽場上往往要「望定、諗定」,經過長時間思考後才傳球,浪費機會及空位。



而且利物浦進攻時企位太「對稱」,好處是兩邊總有球員接應,疑似拉闊進攻線;實情是令兩邊的支援人數不足。大家可以比較兩隊在邊路進攻時,參與的人數...




利物浦前場壓逼問題

由於利物浦中堅及防守中場制空力弱,往往要1-2名中場留守在中堅前,結果無利物浦球員壓逼前場的中路,見右圖 Kante身邊極大量的空位...




利物浦中場壓逼問題


(引用回應Eddie Lai的描述: 「當利物浦中場攔截時,好多時都係標波,重要幾個一齊標。對方彈兩彈已轉到比空位球員,之後防守球員就好尷尬。出嚟,就走漏個前鋒;唔出又人地帶空晒」) 為何利物浦經常出現上述情況?

1. 第1道防線失效 (只有1名前鋒壓逼 = 無效)
2. 邊路防守差



結果中場線進退失據,壓前又怕出現上述問題,縮後又怕給予對方太多空間...



各位球迷如果想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

如果喜歡我們的文章,請即分享到︰

標籤: 利物浦  車路士  

留言

會員
我要評論
請按此登錄後留言。未成為會員? 立即註冊
  • wombat
    wombat 於 27/11/2017 評論 NO. 1

    兩樣嘢
    第一 絕對同意亦係一直嘅問題, 訓練出現問題, 所以街波味濃郁。
    第二 高普換人變陣不嬲都弱, 但韋利安呢球負碌波就無話可說。負碌幸運球就算係曼成都死

  • Patrickewell
    Patrickewell 於 28/11/2017 評論 NO. 2

    所謂高位壓迫,是講求系統性,協調性同整體性,並唔係話一味喪跑就可以。其實主要問題出在司徒,沙拉同古天樂身上,佢地三個嘅防守意識同積極性都比較差,當中以司徒及沙拉兩人為甚。當進行高位逼搶嘅時候,如果有其中一人稍微跟唔上壓逼節奏,就會大大影響功效。基本上每一個球員應該都應該知道如何防守,問題係個別球員嘅積極性能否配合其他隊友,同有無默契無乜大關係

  • Lawrence Mok
    Lawrence Mok 於 29/11/2017 評論 NO. 3

    其實有無諗過贏緊時,由高位逼搶轉到半場逼搶?旨在壓縮對手進攻空間,領先時對方防線通常都會企高d,唔會逗咁深,利記兩翼速度和空間絕對發揮到,加上中場長傳能力亦高,的確可以諗下。當然,要精彩地和波定醜陋地贏,作為利撚既我,絕對揀後者!

快捷鍵:←
快捷鍵:→