2月6日（星期三）
註：上篇原來我寫錯星期三（應該係星期二），已經改返。
經過寒冷一晚後，今日起身前住利物浦市。一出酒店門口，大霧到⋯話你知春天來了（不過，對我地踢波呢類絕非好事⋯風濕呢家野好麻煩⋯）。係超市準備好早餐後，就去火車站，準備去克魯（Crewe）轉車，今站目的地，利物浦。在英國數天都係落矇矇細雨，不過我都享受呢刻，行到快餐店，少不免要開餐啦😋。到達宿舍放低行李梳洗一下，隨後有名青年入住。閒談間講佢今晚去睇波，佢係一個曼城球迷。而我就同佢分享睇過曼城比賽同他足總盃對手紐波特郡。之後佢問我點樣去球場，我話比佢聽可以係市中心坐車去，我同佢講到時我地球場相見（佢坐作客區）。而我就選擇行過去，幸好到黃昏時間處於好天氣，可以望下日落。行到去目的地葛迪遜公園，今晚愛華頓對曼城。未開場前係紀念品既小檔想搵積基卡（Phil Jagielka）的頸巾，可惜搵唔到就要碧福特（Jordan Pickford）的頸巾。入場後，發現舊式球場開始漸漸減少（高級聯賽），木柱遮蓋睇波視線，舊式木櫈仿佛帶回我去愛華頓盛世時期，而他們見證球隊高低起跌，如果有一天重建球場，呢批木櫈、柱可能會不被保留（當然木櫈可能會保留或被出售）。感慨過後雙方球員慢慢出場熱身，我選擇坐座，可以睇到愛華頓門將操練。同韋斯咸一樣，愛華頓球迷主要來知本土，在場內可以聽到佢地唱歌支持自己年青球員。慶幸今場可以睇到碧福特外，米高堅尼（Michael Keane）、莊祖堅尼（Jonjoe Kenny）、卡維利雲（Dominic Calvert-Lewin）出場，而戴維斯（Tom Davis）更成為今場隊長。面對曼城，今場愛華頓自己踢出水準，向曼城作出施壓。在防守上，愛華頓在過頭波或中間穿插落不少心思，令愛華頓後防密不透風。但處理防守高空波，卻是失波源頭，拉撲迪（Aymeric Laporte）近門頂斜響起警號，不過愛華頓未吸取教訓，最終讓拉撲達先開紀錄。失球後愛華頓未有因此而亂，更有耐性去組織進攻，但未能擊潰曼城一眾防線。最後防線壓上下，被阿古路（Sergio Aguero）得手，終結賽事。雖拖肥糖輸波，但球迷唱歌支持一眾球員，同昨晚相比，真係差很遠。完賽後坐巴士返市中心有球迷見我用碧福特頸巾，傾左兩句。之後佢同我講皇馬同巴賽賽果，我同佢講唔感興趣，佢有D驚訝。落車返去宿舍，見到我住間房已經滿哂人。我二話不說，瞓到夠。
早起情況，開始春天。
我早餐乳酪同牛奶係必需。而冬甩近期最愛。
火車中風景。
美味Donker同sushi（肉片同羊肉）
呢間幾好住（單人來講）
明明葛迪遜公園同晏菲路球場同一方向，點解只有去晏菲路球場路標？
葛迪遜公園。
除會員卡、紙張波飛可以入場外，愛華頓波飛亦可以將放係電話入面。
我坐月台，上面印有簡度。
等待入場。
岩岩入場隨影。
角球位置。
舊式球場風貌。
舊式木櫈依然存在。
螢幕上愛華頓
球員熱身。
雙方球員準備入場。
準備開波。
由開波到完場，佢地企足全場。
拉撲迪敲起愛華頓防線警號。
上半場根度簡開出角球。
換邊愛華頓開出角球
完場後，要同葛迪遜說再見。
請按此登錄後留言。未成為會員? 立即註冊