重磅轉會適應力 精選

轉會市場由七月份開始,大大小小的交易陸陸續續落實。西甲和英超的轉會市場一直是世界球迷最注視。占士洛迪古斯和蘇亞雷斯,「兩斯」分別加盟皇家馬德里同巴塞隆那。轉會費皆是高達七,八千萬磅(據報導所指)。事實上, 球員重磅加盟對球會同球員本身都無好處。首先,當一個球員重磅加盟新球會,球會上上下下都對該新球員有極大期望, 因為花費不菲,加上球隊第十二人也會有很大期望。特別身處歷史大球會,壓力一定不少。而今次兩位重磅球員究竟能否符合各方期望,很大程度要視乎各自面對的難關。

先睇占士洛迪古斯, 應屆世界盃神射手得主,年紀輕輕適應大賽,但同星級球員又是否適應呢? 橫觀哥倫比亞國家隊出戰本屆世界盃,基本上無一個算星級球員,好多情況由占士洛迪古斯作為重心,令占士洛迪古斯有信心同發揮到水準,雖然佢同法卡奧於摩納哥為隊友, 但兩人均為哥倫比亞國家隊隊友,同聲同氣,問題不大,但身處皇馬國際聯合星級大軍, 同C朗,沙治奧拉莫斯等巨星適吾適應得到系佢最大難題。巴利上季成功磨合,組成「BBC」攻擊組合,佢更分別於歐聯同國王盃決賽建奇功令皇馬奪冠,但大家吾好忘記人缘極皆同助攻指揮官奧斯爾因巴利加盟被出售至阿仙奴, 占士洛迪古斯分分鍾會步奧斯爾後塵 (不排除下季又有新星湧現) 。
再睇蘇亞雷斯, 應屆英超神射手得主, 同星級球員又是否適應呢個問題不存在佢身上,反而是停賽四個月同戰術上能吾能夠達到同樣系新丁新主帥安歷基要求。唯獨安歷基曾經系昔日巴塞B隊主帥,對巴塞隆那運作有較深了解。蘇亞雷斯錯過季前熱身賽同球會隊友訓練同培養默契,萬一蘇亞雷斯未能配合巴塞戰術,下埸分分鐘與神鋒伊巴謙莫域一樣,失敗而回,不過可能比利物浦時更好,起碼有冠軍奬牌落袋, 但發揮吾到最出色表現,代表者一定系費蘭度托利斯(拎過哂大大少少冠軍)