費格遜評執教生涯最佳11人 精選

前曼聯領隊費格遜本自傳引黎全球對費sir執教生涯既關注，佢話謝拉特唔係頂級球員，
佢話夏格維斯係佢最失敗既收購一，佢話保斯尼治唔夠專業，呢d說話都紛紛成為球迷議論既話題。

咁如果問到費SIR回顧佢係曼聯既執教生涯，最佳11人又會係點呢？
有人問左費格遜，但費SIR並冇比到一個確實陣容，佢認為執教過既優秀球員太多，所以佢只係講左D名。

費格遜：睇下我擁有過既前鋒：馬克曉士、簡東拿、高爾、雲尼斯達萊、約基，

中場：堅尼、笠臣、史高斯、碧咸、C朗、傑斯。你叫我點揀？

不過費SIR提出一個佢最青睞既人，佢話無論如何都要擺佢係最佳11人。
費SIR：老實講，艾雲一定係入選呢個陣容既一個，佢係我心目中如果10分滿分佢永遠能夠拎到8分以上。
有次係高貝利，最後一分鐘佢有一腳好差既回傳，令柏金起腳得分，賽後訪問：你一定對呢腳傳球失望？
我答：呢腳算得咩？ 10年黎只犯一個錯，咁唔算壞。佢係一個令人難以置信既球員。
艾雲係1990年被費格遜帶到曼聯，只係用左62.5萬鎊，加盟後佢就一直佔據主力位置長達12年。
艾雲特點就係穩定，極少犯錯，為曼聯上陣超過500場，英超296場，曼聯7座英超獎盃都有佢既功勞。
係碧咸未冒起之前，艾雲係曼聯陣中最好既自由球同12碼射手。