費格遜致英超公開信:足球係我生命,我唔會遠離 精選

上季季尾費Sir宣布退休後，歐洲球壇特別係英超總係令人覺得好似少左d野，
特別係上星期社區盾一個陌生人坐係溫布萊場邊曼聯教練席，總令人覺得好唔現實。
新一季英超星期六開咧，所有人都知道，執教左曼聯差唔多27年，
見證成個英超歷史既費格遜唔會再出現係曼聯教練席、曼聯更衣室同賽前賽後發佈會，
但費格遜係佢既公開信承諾：足球係佢既生命，佢唔會遠離。

以下係費Sir公開信全文
足球一直就係我既生命，我好榮幸能夠執教曼聯咁多年。球迷、球員、我既教練組，
佢地既貢獻都係無與倫比，我地贏到既冠軍、偉大球員射入既靚絕入球、我們參加既經典比賽、
仲有戲劇性既反勝，我而家回憶番都好甜蜜，所有都已經成為曼聯一份子，並且對英格蘭足球做出巨大貢獻。

我自從1986年11月由鴨巴甸黎到曼聯之後，好多野係呢段時間都發生改變，
由其係d人對足球既興趣以及足球既曝光率。有時一場比賽中既一個意外引發既報導數量令人無法相信，
但整體上黎講，英格蘭足球既整體環境比27年前好好多。過去既球場亦唔似而家咁好，
青少年足球既培養亦唔似而家咁先進，當時既球場保安亦無法令電視直播介入，
球迷亦冇被正確對待，當時政府對足球持消極態度。當時亦有人認為足球有積極意義，
但事實相反，足球對社會既影響開始下降，對於好似我以及其他數以千計每星期都參與比賽既足球人黎講係一種恥辱。

係英超時代，曼聯或者比其他球會更能代表英格蘭足球變化，呢個球會係每個層面對足球既投資都非常大，頂級既球員，無論係買黎既定係培養出黎既，奧脫福同卡靈頓基地為球員同球迷打造頂級設施，
社區服務意識都令我地一直深入當地社區，曼聯係英超設立左標準，其他球隊都渴望達到曼聯水平。

而每個賽季既挑戰亦令英超水平越黎越高，係我執教既歲月入面，挑戰者黎完一批又一批，有d而家仲係度，
有d離開過而家又番黎，但競爭一直係健康既，咁樣亦都令英超與歐洲其他聯賽有所不同。
你知道，呢度冇任何球隊會比你贏得好輕鬆，英超足球水平和觀賞性每年都提高，贏得冠軍亦越黎越難，
你必須要將年輕球員、有經驗既球員用正確態度融合一齊。

係奪得咁多國內外冠軍後，我最驕傲既成就係繼承左畢士比傳統將曼聯青訓文化發揚光大，
我們培養出黎的球員例如傑斯、史高斯同加利尼維利為以後青訓設立左標準，但青訓天才以後仲會繼續湧現。
我每代曼聯球隊都有青訓球員，我地既U21青年隊仲贏得首屆英超U21聯賽冠軍，
其中有8個球員來自奧脫福周邊21英里地區，呢種培養本土球員既計劃肯定會持續落去並且發揮作用。

呢個國家周圍都有足球天才，只要比佢地合適訓練、環境同機會，英格蘭足球肯定會由球會努力同投資中受益。
我非常享受我最後一個英超賽季，不單止因為我地第13次贏得英超冠軍，而係我地並冇靠運氣奪冠。
我地融合左年輕球員同有經驗球員，令前者由英超最好球員身上學習，我們表現穩定而且非常強勢，
永不言敗，我們上季靠逆轉拎左29分。

球迷亦非常感人，在西布朗主場既送別令我好感動，但係奧脫福既最後一場比賽亦令我同家人永遠無法忘記。
英超一直以熱情既球迷同熾熱既氛圍著稱，唔單止係奧脫福，仲有葛迪遜公園、聖詹士公園、晏菲路同白鹿徑，
呢樣係英格蘭足球歷史同傳統一部分，亦造就左英超今日既成功。
我會懷念所有野，但我亦會享受關注英超繼續發展，
繼續帶黎更多美妙既賽季、出色既球隊、經典既比賽同偉大既球員，而家我已經成為左一個球迷。