《442》檢閱英超換教練次數,水晶宫最多曼聯最穩定 精選

英國權威足球雜誌《442》以圖表形式展示左今季英超各大球隊自94-95賽季（英超處子季）以黎既教練更換情況，
19年黎20隊總共換左195次教練，水晶宮換左17次成為最多，而低於3次既球隊只有曼聯同阿仙奴兩隊。
442：今季英超球隊19年黎更換教練次數表

曼聯同阿仙奴兩隊教練既穩定程度係好難有其他球隊比較，費格遜英超首年之前已經係紅魔領隊，
直到上季帶領曼聯拎到球會史上聯賽第20冠先宣布退休，由佢親自欽點既接班人莫耶斯接任，
令紅魔係2013年打開全新年代；由於《442》今次統計並唔包括過渡教練，
因此，1994年以黎，兵工廠亦只有格拉咸、里奧克以及雲格3位，
自從1996年10月初成為兵工廠教練以黎，雲格已經帶領球隊出戰接近千場，雖然8年無冠，但帥位仍然穩固。

相對而言，今季英超20隊當中換教練次數最多既係兩支升班馬，
同阿仙奴一樣身處倫敦既水晶宮94-95賽季以黎曾經17次更換教練，今季水晶宮既護級形勢亦唔樂觀，
上年11月上任既荷路威未知道係米能夠堅持到出年5月。
緊隨其後既係卡迪夫城，換帥次數僅僅比水晶宮少3次，目前執教既麥基2011年上任帶領球隊完成升班偉業。

英格蘭賽場近期換教練既頻率再度攀上高峰，上季，前4個級別聯賽總共有63位教練卸任，
其中43人被炒，20人主動辭職，63人既總數亦追平01-02賽季創造既英超紀錄，
相對而言，10年前既02-03賽季英超前4級別聯賽總共只有35位教練下課，只有4人係辭職。
各隊歷年教練當中仲有兩位奇葩，首先係上季成功帶領候城升班既布魯士，
呢位前曼聯後防名宿（1987至1996年代表曼聯出戰309場聯賽，射入36球），
執教候城之前，曾經先後執教過韋根、伯明翰以及新特蘭，亦成為英超歷史執教球隊最多既領隊。

其次係而家英甲球隊卡維尼體育總監既Steve Coppell，呢位前英格蘭國腳邊鋒同曼聯名宿（1975至1983年代表曼聯出戰322場聯賽，射入53球）
1984至2010年活躍係執教一線球隊，更曾經先後4次執教水晶宮，
成為執教同一球隊次數最多既領隊，總共帶隊出戰565場，但勝率不足四成。