曼聯通知朗尼盡快決定去留,莫耶斯可能繼續封殺朗尼. 精選

曼聯唔會再容忍朗尼既轉會風波再持續落去，
星期四出版既《鏡報》披露，曼聯已經向肥仔發出最後通牒—一係提交轉會申請，一係效忠曼聯，
如果唔係，他會繼續錯過曼聯所有比賽。

鏡報披露，曼聯會繼續堅持對朗尼既強硬立場，莫耶斯已經明確指出，
係朗尼未決定去向之前，佢不會再參加曼聯任何一場比賽。
其實，從上季最後幾場聯賽開始，費格遜就開始封殺朗尼。
等到莫耶斯上任後率領曼聯飛去亞洲踢熱身賽既時候，朗尼又係訓練中受傷提早回國，
加上前日因為肩傷錯過曼聯既瑞典之旅，朗尼已經三個月冇為曼聯踢過任何正式比賽，
只係訓練左短短一個禮拜並且踢左曼聯vs貝迪斯既一場閉門比賽既半場。

《鏡報》披露，其實朗尼好想參加星期五費甸南既紀念賽，對手係西維爾，
但即使係一場無關重要既比賽，莫耶斯都唔會比朗尼參加：我唔認為他已經做好比賽準備。
換言之，朗尼唔會參加社區盾，亦好有可能錯過英格蘭下星期同蘇格蘭既友誼賽。
當然，如果鶴臣一意孤行比3個月冇任何比賽狀態既朗尼上場都輪唔到曼聯插手。

《鏡報》指出，目前朗尼既情況非常尷尬
留隊：莫耶斯已經明確表示，朗尼會係雲佩斯既後備；
提出轉會申請：而家只有車路士出價，而曼聯又絕對唔會將朗尼賣比聯賽爭冠對手，
如果皇馬巴塞唔出現，朗尼恐怕會更加尷尬。

據悉，曼聯已經明確通知朗尼，一係提出轉會申請，一係公開表態效忠曼聯，徹底結束呢場轉會鬧劇。
莫耶斯希望朗尼能夠冷靜考慮目前形勢，並係世界盃年作出正確選擇。
日前，莫耶斯已經明確表示，他唔會勸任何人為曼聯效力。
《鏡報》最後指出，莫耶斯會比朗尼幾日時間好好考慮，然後再次坐低同朗尼傾，
並且促使佢向球會同球迷表明立場。