費Sir今夏手握1.2億鎊，將購多名大牌球星衝擊下屆歐聯！ 精選

提前四輪奪得今季英超冠軍後，曼聯今季完美結束。不過費Sir並無因為奪冠而停止腳步，手握1億2000萬鎊轉會費既費Sir，準備係今夏簽入包括C朗、法卡奧、利雲度夫斯基以及拜恩斯等大牌球星，以幫助球隊下季繼續統治英超，並係歐聯同樣有所斬獲。
3比0完勝維拉，曼聯宣佈提前四輪奪得球會史上第二十座頂級聯賽冠軍，不過今季既曼聯仍有遺憾。雖然係國內賽場上勢如破竹，但係歐聯16強就被皇馬淘汰出局，成為今季曼聯一大遺憾。志在進取既費Sir當然唔希望下季會重蹈覆轍，所以佢已經計劃好好利用今季既夏季轉會窗，再次簽入類似雲佩斯既冠軍級人馬，幫助曼聯係歐聯重新崛起。
費Sir想引入既大牌球星係有十足底蘊，因為球會通過市場商業運營所得既7000萬鎊，再加上球會為費Sir準備既5000萬鎊，一共1億2000萬鎊既巨額幫助費Sir簽入多名大牌球星。《每日鏡報》戲稱費Sir夏季引援計劃為「21號計劃」，因為大筆投入有助曼聯下季爭取衛冕英超。不過《每日郵報》就聲稱，第21個頂級聯賽冠軍自然唔洗多講，費Sir並唔會滿足國內賽場，大筆引援將會幫助曼聯係歐聯再次崛起。
唔理目標係點，英媒一致認為費Sir既引援計劃好快就會展開。鑒於球隊多個位置既球員或者會出現變化，今年既夏季轉會窗中，曼聯既目標覆蓋面較大。由於史高斯好有可能第二次退役，朗尼、「小豆」查維亞靴南迪斯、蘭尼同安達臣都處於轉會傳聞中，所以費Sir希望係呢啲位置上都可以有頂級球員加盟。
綜合英媒既消息，目前進入費Sir既收購名單主要有四人：馬體會前鋒法卡奧、多蒙特前鋒利雲度夫斯基、愛華頓左閘拜恩斯以及前曼聯7號C朗。四人之中，利雲度夫斯基同拜恩斯既交易難度相對較小，曼聯簽入亦比較有把握。但係其餘兩位係世界頂級球員，無論係身價定係競爭壓力都會成為轉會障礙。
不過據《每日郵報》既消息，費Sir願意為法卡奧出5000萬鎊既轉會費，去擊敗其餘競爭對手。同時，費Sir亦會用人情試圖將C朗再次帶返去夢劇場，另外，鑒於C朗同皇馬得返兩年合約，費Sir願意為C朗支付6500萬鎊，雖然呢個價格低過之前賣俾皇馬既8000萬鎊，但呢個報價已經足夠有競爭力。