費Sir：好難保證朗尼既主力位置，我會繼續安排佢踢中場！

最近幾場比賽，朗尼都無出現係自己最熟悉既前鋒位置上作賽，而係被費Sir安排踢中場。據《每日郵報》報導，費Sir近日表示佢好難保證朗尼既主力位置，佢需要為正選而戰，而且仲會安排佢繼續踢中場。
上年8月，曼聯以2400萬鎊既高價將雲佩斯簽入，就當個個都以為雲佩斯同朗尼會組成英超最具威力既鋒線組合時，費Sir就係今季大部份比賽安排朗尼踢攻中，造成朗尼入波數字大減，目前係30場英超比賽攻入13球。而係最近兩場比賽，朗尼既位置進一步後移，上週作客史篤城既比賽佢首次被安排踢防中，週中作客韋斯咸比賽，佢踢返攻中。最近3場比賽，朗尼有兩場係被提前換走。
之前，法媒《Le 10 sport》大爆朗尼已經同意係今夏加盟PSG，雖然呢個消息事後被雙方否認。但位置問題已經開始影響朗尼係曼聯前景，即使朗尼今夏同曼聯簽一份新合約，佢亦會面臨係球隊既戰術上既唔確定性。
費Sir對於朗尼係曼聯既前景，佢係接受訪問時表示：「好難講，我揀球員既標準取決定球隊可唔可以贏波，作客史篤城既比賽安排踢防中，我地都可以做到，下場對阿士東維拉既比賽我都會咁做。」費Sir亦補充自己點解會係作客韋斯咸既比賽中提前換走朗尼，佢認為球隊當時急需入波，而朗尼既表現並無香川真司表現咁好，而且佢掂波之數只有一次發生係禁區內。朗尼係英格蘭國家隊兩位前輩，舒利亞同奧雲亦表示出自己既擔憂，舒利亞認為如果朗尼對自己依家既處境唔滿意，就應該離開曼聯；而奧雲就表示：「朗尼感覺上係被驅逐出自己最鍾意既位置。」雖然已經代表曼聯攻入197球，費Sir仍希望朗尼係訓練中可以表現出更多野，並對佢既身體狀況同狀態感到擔憂。相比2年半前既朗尼質疑曼聯配唔配得上自己既雄心形成鮮明對比既係，今次係輪到曼聯考慮朗尼係唔係球隊未來計劃中。