法媒:朗尼已同PSG簽約!提亞高施華:朗尼可帶領PSG奪歐聯!

曼聯新聞 於 15/04/2013 發表 收藏文章
法媒《體育10》總編表示,曼聯王牌朗尼將會係下季加盟法甲豪門巴黎聖日耳門,繼碧咸之後,PSG將會再簽一名英格蘭球星。
曼聯對皇馬既歐聯比賽期間,就傳出PSG打算簽入朗尼,呢兩個月朗尼離開曼聯既傳聞一直無停過,而且有板有眼。法媒《體育10》總編帶黎一個消息:「根據可靠消息,我宣佈朗尼轉會至PSG已經塵埃落定,下季佢會為PSG效力。」
《體育10》係法國係《隊報》既競爭對手,佢地仲係第一個爆料安察洛提執教PSG既傳媒,而爆料人曾係PSG主席既特別顧問,佢既獨家爆料令曼聯球迷擔心係奧脫福效力近10年既朗尼會唔會真係加盟PSG,同伊巴、碧咸並肩作戰。
PSG主席係歐聯對巴塞隆拿次回合比賽前表示,朗尼係世界足壇最好既前鋒之一,包括巴黎聖日耳門在內既每支球隊都想簽佢,PSG主席:「佢係一個偉大既球員,係世界足壇最勁既前鋒之一,我認為每個人都希望可以買到佢。」
PSG隊內頭號球星伊巴謙莫域同隊長提亞高施華都公開表示對朗尼歡迎,27歲既提亞高施華表示,如果朗尼成功加盟,PSG有望係3-4年內奪得歐聯,提亞高施華表示:「如果佢正考慮接受新既挑戰,無第二個地方比PSG更好。我地可以係3-4年內贏得歐聯,呢個將會係足球世界最令人激動既計劃。」
俗語有話好事成雙,挖走朗尼既同時,PSG仲打算挖埋蘭尼。蘭尼既合約2014年夏天就會到期,佢至今仍未續約,今季表現低迷,「曼市打吡」做後備,今輪史篤城佢連大名單都無入。法媒認為佢有望以1000萬歐元身價加盟PSG,並獲得46.8萬歐元薪金,佢既經理人文迪斯正搞緊轉會事宜,未來幾日內有望有進展。
標籤: 朗尼  提亞高施華  PSG  蘭尼  伊巴謙莫域  

留言


請按此登錄後留言。未成為會員? 立即註冊
    快捷鍵:←
    快捷鍵:→