中東15歲曼聯球迷被警察槍殺，女醫生致信曼聯遭電刑！ 精選

曼聯係巴林新開辦一間足球學校，而傳奇丹尼士羅將會去參加開學典禮，就係呢個時候佢地意外倦入咗中東國家巴林既人道主義風波，一個身穿曼聯球衣既15歲男仔被巴林警察開槍打死，而一位女醫生因寫信俾曼聯，要求佢地為呢名男仔舉行一分鐘默哀儀式，而被巴林警方拘捕，遭到折磨同電刑。
2011年巴林民眾抗議係巴林舉行F1賽事，而一個年僅15歲既男仔係衝突中被開槍殺死。尋日美國紐約一間叫「人權第一」既人權組織透露，一位女醫生因為發E-mail俾曼聯，請佢地為遇害既男仔舉行一分鐘默哀儀式，而被巴林警方拘捕，2011年4月佢遭到巴林當局既殘忍審訊。
呢位女醫生表示：「我對眼被蒙上，手被扣係背後，然後被毆打。一個男人問我：『你同費Sir係咩關係？』。而一個女警同時打咗我個頭兩下，之後我發現佢用電鞭打我，佢三番四次用電刑折磨我，我感覺到一股電流經過我個頭，我感到好痛，成個世界好似係到旋轉緊。」
巴林當局對佢地係國際上既名聲好敏感，如果曼聯既一位主要球星對佢地印象好差，佢地會好在意。巴林民眾一直反對F1巴林站，當局係國內實施激進既治安鎮壓，前年4月，警方係女醫生既電腦發現咗曼聯俾佢既回覆。女醫生：「佢地回信俾我，令警方認為我係曼聯認識人。」女醫生同其他18位醫生一齊係監獄內為服傷既抗議者治療，並被處入獄5年，上年4月當局先俾佢上訴權。曼聯傳奇丹尼士羅會前往巴林，係政治上係好敏感既事。丹尼士羅女女尋晚非常擔心，佢希望巴林方面可以確保佢爸爸既安全。下周F1巴林站將會舉行，巴林國內既局勢非常緊張。尋日英媒幾次聯繫曼聯，但曼聯都無作出回覆。