法卡奧若加盟曼聯，或令曼聯王牌離隊！ 精選

曼聯預購法卡奧既消息成為轉會市場最大新聞，5500萬歐元既價格的確係非常有競爭力，不過係已經有雲佩斯同朗尼既情況下，法卡奧既加盟一定會令其中一人離隊，據《每日鏡報》透露，法卡奧若加盟曼聯，朗尼就會離隊。
27歲既法卡奧今季狀態火熱，係西甲射手榜上僅次於美斯、C朗，之前曾經傳出車路士同曼城求購法卡奧既消息，不過從依家情況黎睇，曼聯似乎係呢場競爭中處於領先位置，雖然目前法卡奧身價高達5500萬歐元，但係曼聯有望係4000萬歐元上下成功簽入呢名南美前鋒。另外，曼聯有一個潛在優勢，法卡奧既經理人係大名鼎鼎既文迪斯，而文迪斯亦係曼聯球員蘭尼、安達臣以及前曼聯球星C朗既經理人。曼聯同文迪斯既良好關係亦為佢地簽入法卡奧添加咗籌碼。
法卡奧兩年前以3800萬歐元轉會費由波圖加盟馬體會，登陸歐洲既4個球季，法卡奧已經係170次出場攻入136球，成為歐洲頂級射手。
如果法卡奧成功加盟，咁朗尼就會成為曼聯最有可能離隊既球員，今季朗尼小傷不斷，又多次被費Sir放係後備。更關鍵既係，法卡奧既周薪要求基本上只係朗尼既一半，對於曼聯隊內既薪金格構平衡都係好重要，朗尼既25萬鎊周薪的確係一個唔細既負擔。同時，法甲豪門巴黎聖日耳門亦對朗尼非常有興趣，佢地已經準備咗一份3000萬鎊既報價，希望可以成功簽入朗尼。