傳曼聯5500萬歐元購皇馬獵物，並已付定金！ 精選

今夏值得關注既轉會有好多，其中包括馬德里體育會頭號射手法卡奧會轉投邊間頂級豪門。最近幾個月，車路士同皇馬被傳相對上更有希望簽入呢名哥倫比亞前鋒。但係據《馬卡報》最新消息，曼聯目前已經後來居上，並且正同馬體會進行談判，曼聯今夏極有可能以5500萬歐元買入法卡奧。
《馬卡報》稱，據一位消息人士透露，曼聯同馬體會談判進展順利，馬體會原則上同意將法卡奧賣比曼聯，最關鍵既一點係，曼聯目前好有可能已經為購法卡奧向馬體會支付金額不詳既定金。請注意，係定金，而唔係訂金！
為咗強調法卡奧真係好接近加盟曼聯，《馬卡報》仲指出，曼聯由馬體會引入迪基亞時係先向馬體會支付定金，當兩間球會同時官方宣佈轉會完成後，曼聯就向馬體會交埋尾數。依家曼聯準備用同樣方式從馬體會買法卡奧，曼聯將會為法卡奧支付既轉會費高達5500萬歐元。
如果《馬卡報》既消息屬實，咁對車路士同皇馬黎講，今夏錯過法卡奧只係時間問題。為咗令法卡奧同樣轉投車路士，車路士老闆阿巴曾經親自邀請法卡奧參觀車路士訓練基地。另外，皇馬唔止一次通過各種傳媒表達對法卡奧既好感。就目前情況黎睇，反而係之前一直收收埋埋既曼聯好有可能成為最後贏家。