費Sir：英超未來盟主仍然會係曼聯！ 精選

「曼市打吡」一觸即發，目前領先第二位曼城15分既曼聯自己會輕鬆應對今次對奪冠無太大關連既「曼市打吡」。相比於「曼市打吡」，費Sir更關心既係球隊既未來，佢好清楚係即將來臨既夏季轉會窗，曼城、車路士等豪門肯定會豪擲重金去引進高質素球員。而費Sir既應對方式係以不變應萬變，因為佢知道目前呢支曼聯配備好完整，球隊有好多表現出色既年輕球員，呢班球員既出色狀態可以保留7-8年。所以費Sir亦好自信地表示英超未來盟主仍然會係曼聯。
費Sir：「我地今季表現得十分出色，從我地過去廿年既陣容黎睇，球隊一直有好多出色既年輕球員，佢地會不停咁成長同進步。正因為呢班年輕球員，我亦可以自信咁講我地下季一樣可以有今季既表現。可唔可以係英超完成三連霸呀？呢層我就唔敢保證，但係我相信係未來幾年，我地都配得上英超獎盃，因為我地有實力。」
費Sir仲傾到球隊一班年輕球員：「依家球隊有14名23歲以下既年輕球員，佢地係球隊經常有出色既發揮，佢地咁出色既狀態可以保持7-8年。不過我地仲有好多球員有好大既進步空間，例如香川真司下季一定會表現得更好，我地仲有拉菲爾、迪基亞、畢特拿以及菲爾鍾斯呢啲年輕球員，佢地可以係未來比到大家一個驚喜。」
同一時間，費Sir都提到自己既競爭對手，佢表示對手一定會越黎越強大，但係曼聯任何時候都唔會畏懼：「如果摩連奴重返車路士的話，對我地黎講係一個大挑戰，曼城亦肯定會對球隊進行啲調整，阿仙奴亦會有提升，而熱刺亦將重心放係未來幾年。所以我地想係未來幾年拎曬英超冠軍既好困難既事，我地可以做既只係不斷提升自己實力，加上我地有條件咁做。」