曼聯領先曼城15分，英超奪冠旨日可待，曼聯陣中最開心莫過於雲佩斯。上年由阿仙奴加盟曼聯後，雲佩斯發夢都想攞到既英超獎盃即將到手，佢直言年年無冠令佢自己既生活變得痛苦，而首個英超冠軍將會減輕佢既痛苦。
02年雲佩斯曾經隨飛燕諾奪得歐協盃，而佢加盟英超後既唯一獎盃係05年既足總盃，英超冠軍總係遙不可及。上年佢由阿仙奴加盟曼聯，幫助曼聯一馬當先，領先第二位既曼城15分。打破告魯夫既荷蘭入球紀錄之後，雲佩斯表示要係曼聯終老，並毫不掩飾對首個英超冠軍既渴望心情。
雲佩斯：「我好可能贏得自己首座聯賽冠軍，感覺非常正，我好興奮。無緣聯賽冠軍令我好痛苦，令我生活變得灰暗。我地必須奪冠，我地要作客新特蘭同韋斯咸，仲要作客車路士，如果贏咗，我地將會係足總盃4強同聯賽中同曼城兩度交手，呢幾場比賽並唔係熱身賽。上季我見到曼聯自己摧毀即將到手既聯賽冠軍，但今次我地離聯賽冠軍好近，我好高興！」
雲佩斯已經為曼聯攻入23球，但過去10場先入1球，好在朗尼同香川真司等隊友挺身而出，佢表示：「我隊友都挺身而出，關鍵係要繼續努力。我近排運氣唔太好，如果你轉門分析我既射波，就會發現唔少波都微微高出，或者射中柱、楣。球季中一定要經歷低潮，重要既係努力訓練，多啲將波射入，就會發現入波將會突然黎到。」
雲佩斯仲講咗一番話可能會令阿仙奴球迷唔鍾意：「我認為轉會曼聯既時機好恰當。我唔會提早或推遲轉會，我係阿仙奴效力咗8年，但上年係加盟曼聯既完美時機。」
02年雲佩斯曾經隨飛燕諾奪得歐協盃，而佢加盟英超後既唯一獎盃係05年既足總盃，英超冠軍總係遙不可及。上年佢由阿仙奴加盟曼聯，幫助曼聯一馬當先，領先第二位既曼城15分。打破告魯夫既荷蘭入球紀錄之後，雲佩斯表示要係曼聯終老，並毫不掩飾對首個英超冠軍既渴望心情。
雲佩斯：「我好可能贏得自己首座聯賽冠軍，感覺非常正，我好興奮。無緣聯賽冠軍令我好痛苦，令我生活變得灰暗。我地必須奪冠，我地要作客新特蘭同韋斯咸，仲要作客車路士，如果贏咗，我地將會係足總盃4強同聯賽中同曼城兩度交手，呢幾場比賽並唔係熱身賽。上季我見到曼聯自己摧毀即將到手既聯賽冠軍，但今次我地離聯賽冠軍好近，我好高興！」
雲佩斯已經為曼聯攻入23球，但過去10場先入1球，好在朗尼同香川真司等隊友挺身而出，佢表示：「我隊友都挺身而出，關鍵係要繼續努力。我近排運氣唔太好，如果你轉門分析我既射波，就會發現唔少波都微微高出，或者射中柱、楣。球季中一定要經歷低潮，重要既係努力訓練，多啲將波射入，就會發現入波將會突然黎到。」
雲佩斯仲講咗一番話可能會令阿仙奴球迷唔鍾意：「我認為轉會曼聯既時機好恰當。我唔會提早或推遲轉會，我係阿仙奴效力咗8年，但上年係加盟曼聯既完美時機。」
請按此登錄後留言。未成為會員? 立即註冊