朴智星父親：佢認為自己踢夠啦！ 精選

足球場上最令人傷心既，當然就係喜愛既球員要結束自己既球員生涯，依家我地或者又要同一名球員告別。據朴智星父親透露，呢名QPR中場可能係季後掛靴。
呢名32歲中場係上年夏天以200萬鎊由曼聯轉投QPR後，表現一直唔係太快，呢名韓國中場同QPR簽左兩年合約，但佢已經不復當年助曼聯勇奪4次聯賽冠軍以及1次歐聯冠軍既神勇狀態。據朴智星父親Sung-jong Park透露，即使今季球會護級成功，佢個仔亦準備結束自己既職業生涯。
朴智星父親表示：「無人知未來會係點，或者佢(朴智星)下季可能會到一支新球隊踢多年。但我認為(朴智星)已經決定退役，佢認為自己已經踢夠啦。係燕豪芬或者係曼聯，佢都無經歷過好似係QPR既時光。我個仔今季係QPR過得好辛苦，對佢係一種新體驗。朴智星話因為斷斷續續既上陣時間令佢好難保持比賽感覺，但佢並無因此有怨過其他人。」