德媒大爆利雲度夫斯基即將落實加盟曼聯！ 精選

多蒙特體育主管索治接受訪問時表示，多蒙特可以賣走利雲度夫斯基，佢走左之後球隊唔會少左入波。有消息指利雲度夫斯基唔會加盟拜仁慕尼黑，而係會加盟曼聯。
索治傾到多蒙特轉會方案以及利雲度夫斯基時，佢表示就算利雲度夫斯基走人亦唔係世界沒日，佢表示：「我地需要既係穩定，我地會搵到最適合多蒙特既轉會方案，無論係經濟定係競爭上都係最合適。至於利雲度夫斯基，當然佢提升左多蒙特既實力，係呢個世界上亦好少人可以做到咁出色。不過就算佢走人，我地亦會搵到合適既解決方法。就算無左利雲度夫斯基，多蒙特亦會不斷入波。」
今季，多蒙特既第一話題人物唔係超新星葛斯，而係波蘭前鋒利雲度夫斯基。今季表現出色既波蘭前鋒引起左曼聯、拜仁慕尼黑等既歐洲豪門既注意。之前一度有消息指，利雲度夫斯基將會係2014年夏天加盟拜仁慕尼黑，但最近傳媒爆料，利雲度夫斯基都係會加盟曼聯，而唔係拜仁慕尼黑。至少呢一點好岩索治既胃口，多蒙特體育主管曾經表示唔希望見到利雲度夫斯基加盟德甲既競爭對手。失去左利雲度夫斯基既多蒙特將會求購迪斯高，而拜仁慕尼黑將會放更多注意力係利物浦前鋒蘇亞雷斯身上。