再見！追風少年！奧雲正式宣佈季後退役！ 精選

昔日金童奧雲今日係個人網站上宣佈佢將會係今季後退役。呢名33歲前鋒係上年9月初同史篤城簽約後，今季30輪英超比賽只出場6次，史篤城決定唔同佢續約，令到奧雲作出退役既決定。
奧雲係個人網站既正式聲明：

引用我可以自豪地宣佈我打算係季尾從足球圈中退役。

由我17歲代表利物浦上演一隊處子戰以黎，再到為皇馬、紐卡素、曼聯以及史篤城效力既日子，更唔洗多講我代表祖國上陣89次，依家我感覺已經到左結束自己職業生涯既時候啦。

我非常好彩，自己既職業生涯踏上左一段旅程，就好似好多年輕球員一樣，我以前只可以幻想呢一切。無領隊、教練、隊友、後勤人員、球迷以及個人贊助商既支持，呢一切都係無可能發生。我要感謝所以幫助我達到職業生涯巔峰既人。

最重要既係，我要感謝我既屋企人。感謝我美麗既老婆路意絲，感謝佢係我職業生涯中無論係巔峰定係低谷中，都持續不斷既愛同支持，感謝佢俾左我最珍貴既禮物，我地既孩子。

感謝我媽媽，同我一齊承受挫折，始終保持住呢個家庭非常團結，呢個亦係我個人成功既基礎。佢對我地兄弟姐妹既奉獻係無法衡量。我要感謝泰利、安祖、卡倫以及萊斯利，感謝佢地既寬容理解。為我既成長創作完美既環境。最後，我要感謝我既爸爸。我地做到啦，我既老友！由寒冷既街道到世界上最好既舞台同一班最好既後衛過招。無左你地，我無可能做到！

奧雲係1979年12月14號出生於英格蘭車士打，佢係12歲就加入利物浦青年軍。1997年5月6號，17歲零143日既奧雲首次代表利物浦係英超亮相並攻入處子球。係利物浦效力既8個球季，奧雲一共為球隊上陣297次，攻入158球，佢係2000-2001球季幫助球隊贏得足總盃、聯賽盃、歐協盃、社區盾以及歐超盃在內既五座冠軍獎盃，並且獲得歐洲金球獎。
之後，奧雲係2004-2005球季加盟皇馬，係45場比賽攻入16球。1季後，奧雲就重返英超係紐卡素效力4季，但因為受傷病困擾既佢只為球隊係79場比賽攻入30球。2009-2010球季，奧雲以自由身加盟曼聯，並效力3季，雖然佢係2010-2011球季隨隊贏得夢寐以求既英超冠軍，但始終未可以係曼聯佔一席地。2012-2013球季，奧雲以自由身加盟史篤城，佢同球隊簽左1份1+1既合約，但今季佢只係為球隊上陣7次攻入1球，英超只係正選上陣過1次。

國家隊方面，奧雲係1998年2月11號英格蘭對智利既友賽中首次為國上陣，佢以18歲零59日既年齡成為英格蘭20世紀最年輕既國腳。1998年法國世界盃，奧雲係對阿根廷既16強中，攻入自己成名入球。之後，奧雲逐漸成長成為英格蘭鋒線上絕對主力，並參加左2000年同2004年既歐洲國家盃，以及2002年同2006年既世界盃。佢一共代表英格蘭上陣89次，攻入40球，係英格蘭隊史射手榜上排第4。