曼聯五人今夏或走！安達臣領銜，史高斯退役！ 精選

曼聯今季係聯賽順風順水，已經領先第二位既曼城15分，奪冠只係時間問題。不過，歐聯唔可以淘汰皇馬令曼聯高層好遺憾，佢地已經著手夏天既人員變動。而係引援之前，佢地已經基本確定左隊內邊啲球員會被賣走，《每日鏡報》透露曼聯已經決定清洗4人，分別係安達臣、蘭尼、畢特拿、連迪加特。另外，史高斯將會係今季後再次退役，而今次退役後佢唔會再次復出。
巴西中場安達臣係曼聯最想賣走既球員，佢係曼聯隊內已經無曬位置。日漸肥胖既身型以及場上極差既狀態令費Sir對佢無曬耐心，初出道曾經被譽為「新朗拿甸奴」既安達臣已經失去曬昔日既才華同埋靈氣。2007年，曼聯用左1800萬鎊高價將佢由波圖帶到去奧脫福。起初佢既表現都唔錯，2008年仲拎埋金童獎，但之後就迷失自我，再加上頻密既傷病，佢係曼聯越黎越邊緣化。上季佢只為曼聯係聯賽中上陣10次。
今季安達臣狀態依然都唔好。到今輪為止，佢係聯賽中上陣12次，總出場時間為540分鐘，比老將傑斯、史高斯仲要少。費Sir既球隊已經無左安達臣既位置，雖然安達臣一直都好想證明自己，試圖恢復至最佳狀態，但係中場位置上，曼聯人才濟濟，卡域克、湯卡華利、香川真司、傑斯都排係佢前面。
曼聯高層已經決定要清洗安達臣，其實安達臣本人亦想早日離開曼聯，佢希望係其他球隊獲得重用，以便佢可以隨巴西參加2014年世界盃。6年前，曼聯用左1800萬鎊先可以買到安達臣，如今佢身價只值800萬鎊，傳媒估計安達臣極有可能會重返波圖。而除左安達臣，曼聯高職仲對另外三位球員失去信心，分別係蘭尼、畢特拿、連迪加特。蘭尼季初同費Sir一度有矛盾，佢既續約要求無得到曼聯方面既同意。今年冬季轉會窗，關於佢既離隊傳聞曾經炒到火紅火熱，但最終傳言並無發生，蘭尼留返係度。不過，傳媒認為費Sir冬天無賣走蘭尼係因為無買家，今夏，佢會再次嘗試賣走蘭尼。蘭尼本人前一排表示自己唔想離開曼聯，要靠實力去證明自己，但費Sir已經唔想比佢時間。荷蘭左閘畢特拿上夏加盟曼聯，可惜並未獲得重用，連一啲曼聯球迷都就黎遺忘左佢。後備門將連迪加特亦係曼聯清洗目標之一，隨住迪基亞狀態神勇，連迪加特已經被費Sir棄用，丹麥門將今夏好可能會被迫離開曼聯。
以上四位都係要被曼聯賣走，仲有一人今夏亦都極有可能要離開曼聯，但佢既離開係曼聯上下都唔想見到，呢位就係史高斯。今季，史高斯係曼聯既定海神針。聯賽上陣14次攻入1球。不過，史高斯認為自己已經無必要留係隊中，佢初步決定要係季後退役。