有傳利雲度夫斯基仍希望加盟曼聯！ 精選

由於朗尼係奧脫福既未來愈黎愈唔可以確定，曼聯有必要搵一個代替者。近日，利雲度夫斯基正密切關注朗尼係曼聯既未來，並表示佢仍然樂意加盟曼聯。
上年夏天，費Sir曾以1700萬鎊求購利雲度夫斯基，不過購入雲佩斯後，呢單交易宣告失敗。不過費Sir現今仍然密切留意多蒙特首席射手。拜仁慕尼黑係眾多既求購球會中最有希望，不過利雲度夫斯基都知道，如果加盟多蒙特死對頭，佢將會激嬲多蒙特球迷。所以佢更樂意去英格蘭。
費Sir係前鋒線上已經有4個射手，除非有人要走，否則利雲度夫斯基好難有機會加盟曼聯。同皇馬比賽後，由於朗尼被費Sir放係後備席，導致佢既未來變得不明朗化。同時多蒙特已經搵緊利雲度夫斯基代替品，曼城既迪斯高已經係佢地收購名單之中。
另外，英格蘭領隊鶴臣將會係今日宣佈對聖馬力諾同黑山既世界盃外圍賽大名單。隨住泰利退出國家隊，里奧費迪南希望自己可以再一次被征召入隊，但尋晚，里奧費迪南依然仲未收到英足總方面既消息。