曼聯上季最佳球員，今季卻成了一大負擔！ 精選

今日既奧脫福球場，非常少見地出現曼聯球迷對曼聯球員報以噓聲既場面，雖然發出噓聲只係好小既一部份，但亦可以反映出球迷對呢名球員既不滿，而受到「殊榮」既就係後備上陣既華倫西亞，曼聯今日唔可以取得勝利，同佢有好大關係。
華倫西亞既上陣完全係意外導致，45分鐘，蘭尼突然受傷倒地，經過隊醫檢查後，蘭尼就直接走返去更衣室。曼聯後備席上，可以打右翼既有艾殊利楊格、韋碧克同華倫西亞，由於艾殊利楊格同韋碧克都唔係標準右翼，所以費Sir將信任票投左比華倫西亞。
由於之前蘭尼係右路踢得好出色，並屢屢製造威脅，所以蘭尼被換走後，曼聯依然主攻右邊，華倫西亞岩岩上陣就有波在腳，但佢既進攻好輕鬆就被阻擋，呢次失敗可以理解，因為華倫西亞既上陣好倉促，佢甚至無做過熱身，幸好上半場只係得返好少時間，好快就完結上半場，比左佢成個中場休息去熱身。
經過左熱身之後，但華倫西亞依然搵唔到比賽感覺，下半場既比賽開始後，佢成為「曼聯進攻終結者」。50分鐘，華倫西亞面對艾殊利高爾勉強傳中被頂走後，隊友又交個波比佢，佢今次連波都未傳出去就被艾殊利高爾解圍；64分鐘，華倫西亞想同香川真司配合，但佢直傳既力量太大；67分鐘，華倫西亞直傳比雲佩斯，但係無控制好力度。下半場，華倫西亞係反擊中離譜地傳失波至少有5次，而佢既傳中隊友更加係一次都頂唔到，最令人哭笑不得既係，76分鐘，佢既射門竟然係向底線方向去，好彩個個位置係一名曼聯球員。佢自己越踢越無信心，而佢既隊友對佢亦係無信心，比賽最後時刻，曼聯主攻集中係左路，就連佢拍擋拉菲爾都寧願搵距離硬遠的隊友傳波。
華倫西亞今場災難性既表現，佢既上陣令曼聯好似只有10人應戰，而佢對防守既幫助亦係可有可無，難怪係比賽最後時刻，當佢係反擊時，一腳傳中直接飛上看點後，主場球迷都有啲噓聲，考慮到佢「曼聯進攻終結者」既作用，佢後備上陣後，曼聯10打12就係誇張左呢點。
華倫西亞加盟曼聯後，球會比佢既球衣係25號，經過左3季唔錯表現後，上年夏天，費Sir決定將具有特殊意義既7號球衣交比佢，當時應該好多人都估唔到，穿上7號波衫既華倫西亞，好似變得唔洗踢波，今季既表現比起前幾季跌Watt左好多，已經難以打上主力位置。話就係有啲意外，但意外中一定有必然事，華倫西亞製造威脅既手法好單一，主場就係以速度甩開防守球員後傳中，以往靠呢招係無往而不利，但靠一招就可以永遠奏效並唔現實，今季每支球隊都知華倫西亞只識用右腳走外線、唔識用左腳走內線既弱點，防守華倫西亞就係死守外線，由於突破線被對手封走，所以華倫西亞突破經常被斷，即使最後可以傳中，亦因為係防守球員緊逼下硬傳，造成傳波質量好差。曼聯7號波衫對球會有特殊意義，由佐治貝斯、卜比笠臣、簡東拿、碧咸、C朗到奧雲，每一個名都係名球員，而依家到左華倫西亞，實在令人失望，如果佢繼續咁落去，咁曼聯今夏肯定會為7號球衣尋找新主人，曼聯7號球衣擁有者，實力同名氣至少要有一樣，如果兩樣都無，咁就要同你講聲對唔住啦。