拜仁欲以2200萬歐元帶走朗尼,哥迪奧拿已派代表與朗尼接觸!

曼聯新聞 於 11/03/2013 發表 收藏文章
拜仁今季表現出色,目前係德甲領先多蒙特20分,德國盃亦殺入準決賽,歐聯晉級希望亦好大。不過係同哥迪奧拿簽約後,拜仁準備按照哥迪奧拿既要求繼續引入一啲前鋒。之後尼馬、利雲度夫斯基等人都同過拜仁傳出過轉會傳聞,而依家《慕尼黑日報》又報導表示,拜仁睇中左朗尼
上周中既歐聯16強次回合比賽,曼聯主場以1:2不敵皇馬。而費Sir係比賽中將朗尼擺係後備席,賽後引發左世界足壇熱議,而傳媒紛紛表示,朗尼同費Sir既矛盾公開化,呢位27歲英格蘭前鋒今夏離開曼聯已成定局
拜仁新領隊哥迪奧拿一直非常睇好朗尼,2010年哥帥仲係巴塞執教時就想購入朗尼。哥迪奧拿仲曾表示:「朗尼係世界上最優秀既球員之一,好少球員可以擁有同佢一樣既實力,我非常欣賞佢。」不過之後朗尼同曼聯續約,轉會巴塞就不了了之。但哥帥至今依然對朗尼念念不忘,一知道佢有轉會既可能,哥帥即係對拜仁提出引援要求,《慕尼黑日報》甚至透露,哥帥既私人代表已經黎到英格蘭,並同朗尼取得聯繫
拜仁高層同樣好樂意見到朗尼既加盟,拜仁名譽主席碧根鮑華係接受《太陽報》訪問時表示:「我當然願意見到朗尼加盟拜仁,身披我地既球衣參賽。」據了解,目前拜仁打算為朗尼開出2200萬歐元既轉會費,好有可能說服到曼聯放人。對於朗尼黎講,拜仁作為歐洲頂級豪門,亦係佢係離開曼聯後願意加盟既球隊之一。
雖然費Sir係上星期表示,曼聯已經計劃同朗尼續約。但《每日郵報》亦指出,係費Sir心目中,朗尼係中鋒位置上不及雲佩斯,係攻中位置上不及香川真司,佢既定位只可以係前場萬金油。但朗尼作為英超蘭頭號球星,更希望可以係球隊穩定地正選上陣,呢個願望係拜仁更易實現,畢竟拜仁新領隊哥迪奧拿更欣賞自己
標籤: 拜仁  朗尼  哥迪奧拿  

留言


請按此登錄後留言。未成為會員? 立即註冊
    快捷鍵:←
    快捷鍵:→