曼聯獲重金投資購C朗，贊助商願承擔千萬年薪！ 精選

曼聯收購C朗再獲巨資贊助！今日出版既《人物報》爆料，曼聯贊助商通用汽車公司願意為C朗既回歸承擔費用，而除左俾一部份既轉會費外，佢地仲承擔C朗返回曼聯後既薪水，通用公司希望借此可以幫助佢地更好佔據汽車市場。
《人物報》表示曼聯已經為收購C朗做好一切準備，因為佢地資金變得充足，費Sir唔洗再為C朗高額轉會費以及薪水憂慮，因為佢地既贊助商通用公司願意為C朗既重返出錢。
據之前英西兩國傳媒報導，C朗本人係非常希望重返曼聯踢波，佢一直非常尊敬曼聯以及費Sir，所以之前對曼聯既比賽中入波都唔會慶祝。美國汽車行業巨頭通用公司係上年8月同曼聯簽左一份為期守七年既贊助合約，由2014-2015球季開始，通用公司旗下品牌雪佛蘭將會成為曼聯球衣心口贊助商，佢地每年將會向曼聯支付5500萬鎊既贊助費。通用公司已經決定同格拉沙家族一齊為C朗近5500萬鎊既轉會費以及1000萬鎊既年薪埋單。業內人士分析，通用公司借此除左擴大公司影響力以及更好佔據英國汽車市場外，佢地仲有一個目的：提前一年買斷曼聯現時球衣心口贊助商AON既贊助合約，通用公司希望今夏就成為曼聯主贊助商。
C朗重返曼聯後既薪水肯定唔會低，為左幫助曼聯不觸犯英超財政公平政策，通用公司願意私下承擔C朗既人工。通用公司相信C朗既回歸可以幫助佢地擴大全球知名度。