英媒：球證令曼聯三冠王美夢破滅！並預言朗尼將離隊！ 精選

曼聯對皇馬，呢場強強對話，賽前C朗、費Sir、摩連奴、傑斯都成為傳媒熱議既話題，但最終黎自土耳其既球證成為焦點中既焦點，英媒一致將曼聯出局矛頭指向將蘭尼趕出場既球證，球證成為摧毀呢場經典對決既罪魁禍首。
《每日電訊報》表示「呢場本來係一場偉大既比賽，但就被球證摧毀左，蘭尼踢向艾比路亞既一腳係偶然既事故，但土耳其球證做出一個可怕既決定」，佢地現場記者認為蘭尼一腳確實係踢得好高，但好明顯呢位葡萄牙翼鋒無睇到衝上黎既艾比路亞，呢腳絕對唔係蘭尼故意出陰招，呢張紅牌罰得太重，最後《每日電訊報》仲攞左曼聯贊助商土耳其航空抽下水：「祝佢地好運同曼聯續約」。
《每日郵報》既言論更為過激，佢地係網站既頭條直接炮轟球證：「係你呢個黎自伊斯坦堡既土耳其人令曼聯出局！」，佢地認為球證既決定令曼聯晉級希望化為灰燼，而《獨立報》則指出球證過重既判罰令費Sir既三冠王美夢破滅，呢樣野亦係費Sir發火既主要原因。
英媒將一切既矛頭指向球證既心情可以理解，就好似《每日鏡報》表示：「11個人想對皇馬都係相當困難既輸，唔好講10人啦，簡直係不可能完成既任務」。C朗回歸、傑斯第1000場，費Sir對摩連奴，呢場原來應該係話題多多既對決，最終被土耳其球證搶走曬一切風頭。除左球證之外，朗尼係今場比賽無正選上陣亦係賽前一則爆炸性既大新聞，《每日鏡報》將朗尼被放係後備形容為「一粒重磅炸彈」。《每日郵報》就話費Sir呢個大膽決定係「相當敏感，係一場賭博」，並稱已經令朗尼係曼聯既未來「籠罩左一片烏雲」。
最直接既都係《每日電訊報》，佢地係比賽配上朗尼無表現既熱身相，表示「朗尼係曼聯既日子已經到盡頭」，佢地認為係對皇馬既比賽成為後備，就好似宣佈佢已經將奧脫福頭號球星既位置讓左比雲佩斯。《每日電訊報》覺得朗尼好似當年碧咸同雲尼斯達萊一樣走到去離隊邊緣，分折認為朗尼既合約已經步入最後兩年，曼聯無乜可能會再比佢一份周薪25萬鎊既4-5年新合約，因此今夏將會成為朗尼尋找新東家既最佳時機。