曼聯球探現場考察蘭尼代替品,被要價3600萬鎊!

曼聯新聞 於 27/02/2013 發表 收藏文章
由於蘭尼遲遲唔肯續約,所以曼聯再次問價波圖既「南美C朗」占士洛迪古斯,而對方既獅子開大口,要價3600萬鎊。
上星期六,曼聯再次派球探考察波圖翼鋒占士洛迪古斯,睇左波圖對里奧艾維既比賽。里奧艾維中有曼聯外借過去既碧比,曼聯此行順便睇下佢呢家既表現。占士洛迪古斯係波圖陣中最搶手既球星,有「南美C朗」既美譽。
不過波圖要價唔平,起初曼聯問價既時候,佢地要求曼聯俾2400萬鎊買斷占士洛迪古斯既合約,隨後波圖又將佢既違約金提高至3600萬鎊。曼聯陣中既翼鋒蘭尼遲遲唔肯續約,尋日《太陽報》就爆出佢地將會俾蘭尼最後一份周薪9萬鎊既合約,佢唔接受就會走人。所以曼聯就未雨綢繆,問價占士洛迪古斯。
標籤: 曼聯  占士洛迪古斯  蘭尼  

留言


請按此登錄後留言。未成為會員? 立即註冊
    快捷鍵:←
    快捷鍵:→