文仙尼：曼聯領先只因好彩，落後15分？曼城可以反超奪冠！ 精選

曼聯以2-0擊敗QPR後已經領先打少一場既曼城15分，但曼城領隊文仙尼依然未認輸。佢表示曼聯並唔比曼城優秀，曼聯可以領先積分榜只因佢地太好彩，成日可以係最後時刻入波。文仙尼攞出當年執教國際米蘭，領先14分差啲被反超既舊事去勉勵曼城球員爭取冠軍，佢相信曼城依然有希望反超奪冠。
上季，曼城力壓曼聯奪得44年以黎首個頂級聯賽冠軍。今季，雄心勃勃既佢地志在衛冕，但就發現事實並無佢地想像中咁美好。經過上季既失敗之後，曼聯今季強勢回歸，聯賽中一路過五關斬六將，目前已經領先曼城15分，令曼城好難堪。不過，文仙尼唔肯認輸，佢表示曼聯可以咁大優勢領先曼城並唔係因為曼聯比曼城優秀，而係因為佢地太好彩。
係文仙尼眼中，若果唔係太好彩，曼聯根本無可能獨領群雄。文仙尼：「今季開始到依家，曼聯既一切都好好彩，佢地經常係比賽最後時刻入波並全身而退，而實際上，佢地既表現並唔配贏得比賽，例如作客我地既時候。」
文仙尼依然相信自己球隊係全英超最好，佢表示：「我唔認為我地依家同曼聯之間既積分差別係兩隊實力既真實反映，佢地今季確實比我地做得好，我唔否認呢點，但係如果唔係我地多次係應該贏既比賽中失分，情況會完全唔一樣，我地既入波太少啦。同上年同期相比，我地入少10球，積分亦少7-8分。」今晚，曼城將會係主場迎戰車路士，曼城已經無退路。上季，曼城係最後6輪反超曼聯，如今落後15分既佢地仲可唔可以反超呢？文仙尼比既答案係：可以！五年前，文仙尼仲執教國際米蘭，佢地一度領先羅馬14分，但最後被羅馬追上黎。好在國際米蘭強勢反彈，並係最後一輪聯賽憑伊巴梅開二度成功奪冠。文仙尼希望呢家既曼城可以好似當初既羅馬一樣。文仙尼：「我記得好清楚，當初係意甲執教個陣都遇過同樣情形。當時我地處於榜首位置，並領先第二位既羅馬14分，但我地要係最後一輪先可以奪得冠軍。所以，反超曼聯奪得係可以發生。如果曼聯係歐聯繼續晉級，咁佢地未來兩個月都會非常困難。雖然我地要贏曬黎緊個12場聯賽係有啲難度，但只要我地去努力，就可以做到。」