《每日郵報》評皇馬+曼聯混合最佳陣容！ 精選

皇馬大戰曼聯一戰即將展開，兩隊都係世界頂級球會，擁有好多一流球星，如果將曼聯同皇馬兩支球隊夾埋一齊既正選陣容會係點嫁呢？？於是《每日郵報》就由兩位專欄記者選出兩隊混合最佳11人陣容。
門將：迪基亞(曼聯)

畢竟係英國報紙所選，本土球隊門將迪基亞順理成章贏左國家隊老大哥卡斯拿斯。今季，迪基亞代表曼聯聯賽上陣18場，有68次撲救，失左20球。歐聯上陣5場，只係缺陣左去土耳其作客加拉塔沙雷一戰，5場歐聯4勝1負，失左5球。相比之下，皇馬門神卡斯拿斯聯賽上陣19場，有33次撲救，失左17球，不過係歐聯死亡之組中，卡斯拿斯5戰失8球，戰績為2勝2和1負。
四後衛：艾比路亞(皇馬)、維迪(曼聯)、拉莫斯(皇馬)、艾夫拿(曼聯)

艾比路亞係一位後防線既通天老倌，佢效力利物浦同皇馬期間都係主力右閘。曼聯隊長維迪則係中堅首選，佢同里奧費迪南組合既歐洲最強中堅。皇馬既沙治奧拉莫斯搶斷兇狼，攻防意識具備，係皇馬目前入波最多既後衛。曼聯左閘艾夫拿上陣次數極多，作為後衛可以攻入4球並交出5個助攻真係唔易。
雙防中：沙比阿朗素(皇馬)、卡域克(曼聯)

卡域克係曼聯目前排係英超榜首既關鍵人物。今季英超上陣25場，交出4次助攻，成功傳球次數1833次，僅次於阿迪達既1921次。卡域克同曼聯既合約會係2014夏天到期，因為今季既表現出色，曼聯已經明確表示會將現有合約延長一年。另外，阿朗素今季係西甲上陣20場，交出2個助攻，成功傳球1688次僅次於沙維同布斯基斯。作為一位現代型既防中，阿朗素唔單止擁有超強既防守能力，佢仲可以係進攻發揮作用。三攻中：奧斯爾(皇馬)、朗尼(曼聯)、C朗(皇馬)

奧斯爾今季係西甲已經攻入4球，交出6次助攻，另外歐聯上陣4次，攻入1球同交出2次助攻。C朗就更加唔洗多講，歐聯、西甲一共上陣28場，攻入30球，交出5次助攻。而朗尼今季多次擔任影鋒一職，衝擊力十足，突破能力亦好強。佢係聯賽上陣18場，攻入18球交出7次助攻，係費Sir手中一粒靈活既棋子。
單箭頭：雲佩斯(曼聯)

係英超射手榜上，雲佩斯上陣26場攻入19球排係榜首，歐聯4次上陣攻入3球。就連雲尼斯達萊係接受《馬卡報》採訪時表示，呢場比賽既決定因素在於C朗同雲佩斯既發揮。雲佩斯今季仲有7次助攻，同朗尼並列成為曼聯今季聯賽既助攻王。