曝曼聯欲挖皇馬新星左閘，並以900萬鎊購史篤城門神！ 精選

據《每日鏡報》最新消息，今夏史篤城門將比高域將以900萬鎊加盟曼聯，而迪基亞係唔會離隊，離隊既係丹麥門將連迪加特。
迪基亞係對熱刺既比賽犯錯之後，費Sir就打算引入一名有經驗既門將去取代佢，英媒都睇好史篤城塞爾維亞國門比高域。據了解，係冬季轉會窗最後一刻，曼聯差啲就簽入比高域，但係史篤城領隊佩利斯就阻止呢單交易，因為史篤城佢地無合適既後備門將。
不過，史篤城係冬季從伯明翰簽入英格蘭國門畢特蘭，佢將會再外借返去伯明翰半季之後，今夏正式加盟史篤城，而佩利斯個陣就會同意將比高域賣去曼聯，而佢既身價將會為900萬鎊，只係迪基亞既一半。而史篤城當初由樸茨茅夫買佢返黎只係用左325萬鎊，依家已經成為英超頂級門將之一，今輪英超作客阿仙奴又係佢既神勇表現，令史篤城唔洗大敗而回。
比高域加盟曼聯之後，迪基亞並唔會被賣走，因為費Sir仍然睇好呢位22歲既西班牙門將，雖然偶然會犯錯，但佢既反應神速。所以今夏走人將會係連迪加特，因為佢年紀已經唔細，而且作客雷丁個陣上半場被狂轟3球之後就再未試過係英超上陣。同時，英格蘭U21門將賓艾莫斯亦會被賣走。
除左比高域，曼聯仲會嘗試挖走皇馬C隊左閘阿祖安，據了解，曼城亦都睇中呢位18歲新星。阿祖安已經為皇馬C隊上陣10次，而且經常被摩連奴帶到去一隊跟操。曼聯左閘人員充足，艾夫拿係必然正選，仲有畢特拿同外借至QPR既法比奧，若果阿祖安最後加盟曼聯，將會令左閘位置競爭激烈。