實驗證明朗尼轉數快過大學生！！ 精選

好多人都覺得足球員一向都係四肢發達、頭腦簡單，不過，據《太陽報》報導，有研究人員對曼聯球員同大學生進行相同既實驗，包括朗尼在內既曼聯球員轉數比大學生仲好。
有研究人員係曼聯訓練基地將曼聯球員同一啲讀緊大學既學生進行測試，其中包括要係螢幕追蹤4球快速移動既3D效果既網球，而且仲有其他干擾既信號。最後研究結果顯示，包括朗尼在內既曼聯球員都比個班大學生更加好咁完成實驗。
研究人員相信，球員個腦係特定部位要比大學生更發達，令佢地可以增加集中力，蒙特利爾大學教授林法伯特表示：「實驗結果顯示球員能夠集中精神令佢地學踢波更加好，對佢地踢波既能力好關鍵。」不過，呢班研究人員唔知係球員天生係咁，定係通過後生努力先令個啲部位更發達。
朗尼岩岩出道個陣，成日都因為拎紅牌而令人話佢無腦，但近呢幾年，朗尼已經越黎越成熟，近幾年差唔到未試過拎紅牌。值得一提既係，係上個月曼聯內部問答比賽中，朗尼仲同伊雲斯、傑斯一齊贏得冠軍，而且當時佢仲唔需要湯卡華利既額外幫手。