ESPN:曼聯為蘇超第一防中報價800萬鎊!

曼聯新聞 於 30/01/2013 發表 收藏文章
上星期曼聯去左卡塔爾集訓,費Sir就無去到,因為佢要留係英國完成韋費特沙夏既轉會,仲去左睇些路迪以4-0大勝登地既比賽,考察些路迪防中雲耶馬,係呢場比賽,呢位肯尼亞防中表現突出,不但做好防守,仲係33分鐘為些路迪擴大領先優勢。
ESPN就表示曼聯將會係冬季轉會窗關閉之前報價800萬鎊求購雲耶馬,但些路迪極有可能拒絕。因為雲耶馬係佢地既核心球員,而且今季歐聯分組賽佢射入域陀華迪斯既十指關,幫助球隊以2-1擊敗巴塞隆拿。依家些路迪已經成功晉級歐聯16強,所以些路迪唔會咁輕易放出佢。2011年夏天,雲耶馬拒絕左阿士東維拉既邀請,並以90萬鎊加盟些路迪,而依家些路迪就將佢標價為2500萬鎊。
ESPN仲透露費Sir其實更加鍾意燕豪芬防中史杜列文,呢名荷蘭國家隊隊長係費Sir頭號收購目標,但佢既身價唔平,而且佢既經理人從中作梗,令曼聯好嬲,所以就要做好兩手準備,而雲耶馬就係其中一個後備人選。上年11月史杜列文既經理人透露明夏佢轉會將會首選英超同曼聯,佢身價高達2000萬鎊,皇馬同AC米蘭都對佢有興趣。
標籤: 曼聯  些路迪  燕豪芬  史杜列文  雲耶馬  

留言


請按此登錄後留言。未成為會員? 立即註冊
    快捷鍵:←
    快捷鍵:→