費Sir：朗尼仍然係我地首席劊子手；我希望佢地三個今季可以各攻入20球或以上！ 精選

曼聯主場迎戰富咸既足總盃賽事，開波只係2分鐘曼聯就獲得12碼，今次已經唔係朗尼主射，係由傑斯主射，賽後費Sir表示換劊子手係佢安排，但佢係唔會搵第二個取代佢成為首席劊子手，今次換第二個射只係想朗尼調整下。
費Sir：「考慮到朗尼今季多次射失十二碼，我認為依家係時候比佢抖下，不過佢會好快再射返。關於朗尼既事，如果佢射失一次十二碼，最好就唔好去煩佢，因為佢可以自己調整。」
傑斯射入十二碼後，朗尼擴大比分，之後就到小豆梅開二度，費Sir對朗尼同小豆好滿意：「朗尼入左一球，小豆入左兩球，我真係好開心，如果佢地兩個今季可以同雲佩斯各攻入二十球或以上，我地既戰績將會變得更好。」小豆近6場攻入5球，費Sir解釋佢咁好狀態既原因：「小豆係夏天有一小段休息，令到佢恢復體力同狀態，當佢歸隊既時候，佢係曼聯既處境唔係幾好，而且收購左雲佩斯之後，有幾次我忽略左佢，但係我已經同佢講我地對佢既期待係有幾高。小豆係一個出色既職業球員，對比賽既態度非常積極，佢係場上會不斷跑動，就連每一次訓練都係一樣。」曼聯上次奪得足總盃冠軍已經係2004年既事，依家已經殺入16強，費Sir非常期待打入決賽並奪得冠軍：「對於我地黎講，今季既足總盃係一樣重要既賽事。我地已經有10年無贏過，而且里奧費迪南仲未試過拎足總盃冠軍，所以我地今年一定要奪得冠軍！」