費格遜打算復製雲達沙神跡！？ 精選

迪基亞再次出現失誤之後，佢不穩定既表現令費格遜打算引入一名新門將。而據《太陽報》報導，效力昆士柏流浪既巴西國門祖利奧施薩成為費格遜既目標。費格遜有過雲達沙既經歷之後，佢打算用施薩復制雲達沙神跡！
早係冬季轉會窗開始既時候，大量英媒都相繼爆出費格遜因不滿迪基亞既表現，所以打算係門將呢個位置上引援，係之前既傳聞中，利物浦門將拉爾拿同史篤城門將比高域係迪基亞既代替人大熱人選。而據《太陽報》既最新消息，昆士柏流浪既祖利奧施薩亦係費格遜引援目標之一。
現年33歲既巴西國家隊正選門將祖利奧施薩，曾經效方過意甲球隊國際米蘭7年，幫助國米羸過5次意甲、1次歐聯，不過因為人工問題同狀態開始下滑，2012年夏天佢離開國米加盟昆士柏流浪。
心水清既球迷就會記得，前曼聯門神雲達沙同祖利奧施薩既職業生涯係極度相似。早早成名於阿積士既雲達沙被祖雲達斯睇中，但兩季之後，當保方加盟祖記之後，雲達沙被逼要讓出正選位置，佢之後輾轉間黎到英超中遊球隊富咸，效力富咸四年裡面，雲達沙表現可圈可點，到左2005年已經35歲既雲達沙，佢既職業生涯好似就黎去到盡頭，但就係呢個時候，費格遜突然將佢收歸其下，使佢有重生既機會。事實證明，費格遜既眼光真係好犀利。雲達沙加盟曼聯之後，好多就迎黎職業生涯第二春。之後既5季，佢幫助曼聯係英超同歐聯取得巨大成功，佢亦成為曼聯傳奇門將之一。成名之後係意甲度過巔峰，之後去到英超中游球隊，祖利奧施薩同雲達沙有一樣既經歷，或者正係呢一點，祖利奧施薩亦成為費格遜重點考察對象，或者佢係費格遜既麾下，佢可以迎黎職業生涯第二春。不過，曼聯並唔係唯一一支對佢有興趣既球隊，雲加亦非常想收購呢名有充足經驗既門將。由於阿仙奴門將施捷施尼既狀態不穩，雲加都好想進入一名門將。另外，對兩支豪門有一個好消息，就係由於昆士柏流浪想擺脫祖利奧施薩既高薪負擔，所以係冬季成功引入佢並唔係痴人說夢。