費格遜:曼聯今季重奪三冠王不是夢;我地當年錯過呢個天才球員!

曼聯新聞 於 20/01/2013 發表 收藏文章
2012年夏天,曼聯用左2400萬鎊由阿仙奴收購雲佩斯,事實證明,呢單交易係物有所值,雲佩斯係各項賽事為曼聯上陣27場,攻入21球交出6次助攻。唔少人認為,雲佩斯加盟曼聯,好可能直接決定曼聯係英超奪冠。
雲佩斯係聯賽22場攻入17球,排係射手榜榜首,佢帶領下,曼聯打少一場既情況下領先第二位曼城4分,而係歐聯,曼聯提前兩輪晉級16強,16強將會面對皇馬既挑戰;足總盃第3圈,雲佩斯係補時階段為曼聯追和,幫曼聯奪得重賽機會。而曼聯係重賽憑住朗尼一箭定江山,以1-0小勝韋斯咸晉級第4圈。
今季曼聯三線火力全開,並且憑住不屈既精神成為反勝王。依家既曼聯,令費格遜對未來充滿希望:「依家係曼聯非常美好既一段時期,我地目前既境況正係我希望見到既,足總盃、聯賽同歐聯,我地都係競爭行列,咁樣實在太好啦。只要一班球員保持健康同狀態,我地今季就有望重奪三冠王!」
1999年,曼聯成為三冠王,係各項賽事既過程,曼聯度過左唔少難關。曼聯係歐聯4強次回合作客一度以0-2落後祖雲達斯,但憑住堅尼、約克同高爾連入三球完成逆轉,而係歐聯決賽,曼聯又係補時階段態舒靈咸同蘇斯克查連入2球,世紀反勝拜仁奪得冠軍。
今季,假如曼聯想第4次捧起歐聯,首先就要過皇馬個關。而1999年,曼聯可以遇神殺神,遇敵殺敵,14年後曼聯又點會無可能復制多次呢??
費格遜執教曼聯26年,奪得無數冠軍,佢培養出唔少好球員,亦錯過左一啲好既球員。今日出版既《人物報》就指出,熱刺王牌加里夫巴利就係費格遜錯過既好球員之一。今日,巴利所效力既熱刺將會係主場迎戰曼聯!
費格遜:「我地當年曾經試過由修咸頓買入巴利,但係修咸頓拒絕我地既報價,過左幾個星期,佢就加盟熱刺啦。咁樣既事我地經常發生,例如,我地以前曾經有機會簽入加斯居尼,不過又被拒絕,好好彩最後我地得到保羅恩斯,佢亦係歷史上最偉大既球員之一。」
標籤: 曼聯  加里夫巴利  三冠王  費格遜  

留言


請按此登錄後留言。未成為會員? 立即註冊
    快捷鍵:←
    快捷鍵:→