驕人！曼聯29年坐鎮奧脫福，半場領先下未輸過！！！ 精選

上星期日既「雙紅會」，雲佩斯上半場為曼聯先開紀錄，最終助曼聯主場以2-1擊敗利物浦，並雙殺利物浦。賽後《每日郵報》統計曼聯係奧脫福半場領先之下已經連續29年不敗，即使唔單止係英超期間，就算係費格遜既任期之內(1986年上任)，都未試過有球隊可以係半場落後下，係奧脫福反勝曼聯。
而曼聯上次係主場半場領先下被反勝就要追溯到1984年5月7日，當時曉士為曼聯先開紀錄，但係迪費恩斯同新特蘭既入波幫助葉士域治以2-1反勝曼聯。而係同一日，利物浦5-0大勝高雲地利，提前一輪完成三連霸並奪得第15座英甲冠軍。
當時曼聯領隊仲係艾堅遜，最後佢地聯賽只得第4，落後利物浦6分，而葉士域治就結束黃金年代，最後排第12。當時頂級聯賽最後8年同整個英超年代，曼聯係奧脫福半場領先下係未輸過。92年英超開始之後，曼聯係主場一共試過212次係半場取得領先優勢，最終結果係錄得驚人既200勝12和！
上次曼聯係英超半場領先下被逼和，就係2010年10月16日對西布朗，當時曼聯上半場領先2-0，但西布朗下半場急起直追，最後2-2完場，不過曼聯最後都攞到呢季既聯賽冠軍。而係各項賽事中曼聯半場領先下被逼和就發生係上年既歐聯分組賽，2011年9月對巴素利，曼聯半場2-0領先，但最後巴素利竟以3-3逼和曼聯！