雲加：我早知雲佩斯能夠決定聯賽冠軍誰屬 精選

舊年雲佩斯離開效力多年既阿仙奴，加盟阿仙奴死敵曼聯，令到佢成為阿仙奴球迷既公敵。佢今年已經為曼聯攻入20球，並為阿仙奴帶來2300萬鎊既轉會費，不過，睇黎阿仙奴仍然對佢念念不忘，將佢同佢前隊友一齊慶祝既相印左落新年日記入面，並作為聖誕禮物咁賣比球迷。
一名46歲阿仙奴球迷收到禮物就話：「我打開呢份禮物既時候我唔能夠相信自己對眼。我想扮好開心，因為係我老婆買比我，但我只可以同我老婆講：唔好意思，我唔可以要佢。｜因為我無可能想繼續睇到佢，而佢仲不斷咁為曼聯入波！咁會不斷刺激我，不如殺左我算啦。」一名阿仙奴發言人就解釋呢本日記係夏季轉會窗開啟前完成既，而雲佩斯係英超新球季開始之前一日加盟曼聯，所以入面先會有佢。
現時曼聯係英超領先曼城7分，雲佩斯既功勞非常之大，佢係各項賽事為曼聯攻入20球。雲加承認佢早知道雲佩斯能夠決定聯賽冠軍係邊隊，舊年費Sir係電話說服佢放人：「費Sir打比我既電話唔止一個，令我心動將雲佩斯賣比佢。而當我將雲佩斯賣比曼聯時候，我就知道曼聯將會係英超排第一。雲佩斯係世界上最好既前鋒之一，你知道佢會為曼聯入波。如果佢當時加盟曼城，會成為一堆世界級前鋒既其中一個。」
上星期足總盃雲佩斯後備上陣並且幫曼聯追平，得到重賽既機會，雲加表示：「雲佩斯正值巔峰，佢對自己既能力相當有信心。呢家佢比五六年前更加有耐性，而且又可以踢中鋒。不過有時候佢會係場上消失20分鐘，但佢知道邊個時候會獲得機會，並且把握機會。以前佢經常要返中場攞波，但呢家佢唔洗，令佢更加好好利用佢既殺手本能。」