前車路士助教贊成林柏特加盟曼聯！ 精選

前車路士助教韋堅斯認為，如果林柏特要離開車路士的話，曼聯係一個非常理想既下一站。林柏特同車路士既合約今夏就會到期，而且車路士無心同佢續約。
林柏特已經係車路士拎過三個英超冠軍以及一個歐聯冠軍，佢認為自己既狀態仲可以保持多幾年。而作為曾經效力過車路士同曼聯既球員，韋堅斯認為林柏特轉會到曼聯會得到更多好成績。韋堅斯：「林柏特希望繼續為頂級聯賽球隊效力，並且享受勝利，如果佢要離開車路士，無第二間球會會比曼聯作為下一站好。」
韋堅斯認為費格遜係最能夠運用林柏特實力既領隊，因為39歲既傑斯同38歲既史高斯呢家仍然能夠係曼聯踢波。韋堅斯接受BBC採訪時候表示：「因為有識用老將既費格遜係度，所以林柏特要轉會到曼聯，對雙方都係好事。雖然林柏特年紀都唔細，佢係佢係場上閱讀球賽能力仍然不斷提升，對球員黎講係非常之勁。相信每個人都見到傑斯同史高斯呢幾年既表現仍然可以保持，但係你唔好忘記，佢地足足比林柏特大4歲呀！」
對於林柏特能唔能夠獲得曼聯球迷既支持，韋堅斯話佢完全唔擔心呢樣野，雖然車路士係呢幾年黎係曼聯主要競爭對手。韋堅斯表示：「林柏特之所以要對抗曼聯，完全係因為自己既職業態度，而曼聯缺少既正正就係可以入波既中場球員。」
與此同時，祖雲達斯中場老將派路表示能夠同林柏特比賽係非常之興奮。呢位33歲意大利國腳表示：「如果車路士要令林柏特離開實在太傻啦，佢依然係世界上最佳球員之一。如果佢想黎意大利，我絕對歡迎佢加盟祖雲達斯，林柏特肯定能夠係意大利再創輝煌戰績！」