上半季小總結+下半季觀望

曼聯新聞 於 22/12/2012 發表 收藏文章
上半季只剩星期日作客史雲斯最後1輪,
基本上可以黎個總結,先同大家睇下積分榜先
只列前八名

曼聯目前17戰14勝3負,以驚人既入球效率去取勝,
但防守就真系慘目忍睹,英超前8名球隊失球數字最多,
但前半季能夠帶離第2位曼城6分,第3位車路士13分(ps:車路士少打一場),
就系可以系強隊身上全取3分,除左2:3不敵熱刺外,
今季曼聯強強對決表現十分出色,先後擊敗利物浦,車路士,阿仙奴同曼城,
全取12分,而呢一項壯舉,對上一次做到要追溯番100年前既1913/14球季,
但曼聯擊敗利物浦同車路士既比賽都頗受爭議,不過之後擊敗阿仙奴同曼城既比賽相信冇乜爭議,
而另一個可以帶離曼城6分既要點就系曼聯同曼城對住強隊之間既差距,
曼城今季先後打和利物浦,阿仙奴,車路士,最後更加不敵曼聯,
足足系呢4場波拎少曼聯9分,呢度足以證明兩隊系硬仗上既表現.
再睇排第3既車路士,先嬴阿仙奴,不敵曼聯,打和利物浦同曼城,比曼聯少拎7分,
已經同英超冠軍漸行漸遠,至於利物浦同阿仙奴兩隊強隊今季表現低迷,
基本可以宣佈爭標無望,而利物浦對強隊更加系一戰不勝只拎到2分,
阿仙奴唯一一場強隊對決勝出就系2:0擊敗利物浦,不過........
曼聯雖然系連場強隊對決能夠連勝,但4場都只系小勝一球,
而且太過依賴鋒線上既朗尼同雲佩斯,雲佩斯更加系呢4場都取得入球,
朗尼就只系踢左3場,交出2個入球1次助攻.

下半季展望
下半季如果曼聯繼續能夠再次系強強對決入面豪取12分,
甘曼城系積分榜上反超前既機會就變得好細,而曼聯下半季再次全勝機會亦好大,
因為下半季賽程曼聯利物浦,車路士同曼城都系主場,只有對阿仙奴系作客,
而就算悲觀少少去睇,曼聯唔能夠全勝,但只要嬴兩場,都能夠系強強對決中保持領先曼城同車路士優勢,
甘樣已經足夠曼聯重奪英超冠軍!

留言


請按此登錄後留言。未成為會員? 立即註冊
    快捷鍵:←
    快捷鍵:→