曼聯欲挖蘇斯克查麾下紅人!

曼聯新聞 於 20/12/2012 發表 收藏文章
《曼徹斯特晚報》透露,隨住里奧費迪南推遲決定自己的未來,費Sir或者會引入蘇斯克查執教的莫迪的挪威中堅科倫去鞏固防線。
現年24歲科倫目前係挪威的主力中堅,而且佢仲係蘇斯克查的帶領下幫助莫迪連續兩年羸得挪威冠軍。科倫的出色發揮,令到佢引起多間的英超球會注意。上個月,愛華頓領隊莫耶斯就四次派出球探去觀察科倫係球會同國家隊的演出,不過曼聯早早係挪威超級聯賽歇冬期之前就關注科倫,再加埋蘇斯克查同曼聯的關係,令曼聯比起愛華頓更大機會簽入呢名挪威國腳!
而蘇斯克查係最近接受採訪的時候亦都承認,假如有合適的報價,咁佢就唔會阻止科倫轉會,而且佢覺得科倫係時候加盟更強的球隊。蘇斯克查:「我地目前仲未收到任何關於科倫的報價,但有好多球隊問過佢的情況。我預計係1月我地將會收到一啲報價。無錯,佢係有可能加盟曼聯,但我唔會話比佢聽。而我覺得佢處於最佳狀態時候,佢係一個好出色的球員。」
《曼徹斯特晚報》亦指出,科倫目前24歲,佢的年齡同05月1月維迪由莫斯科巴達加盟曼聯時候一樣,因此呢單轉會或者會同當年維迪加盟一樣的效果,呢位挪威中堅有機會成為「新維迪」。雖然費Sir話過佢唔會係冬季轉會窗買人,但31歲的維迪係傷癒之後,至今仍然未恢復到最佳狀態,仲有里奧費迪南可能會係今季結束後離隊他投,因此科倫的加盟並非無可能。
曼聯今季一直都受中堅傷潮困擾,係菲爾鍾斯、史摩寧同維迪復出之後,現在又到伊雲斯受傷缺陣,今季踢比賽最多的中堅竟然係34歲的里奧費迪南。雖然里奧費迪南的合約係明夏就會到期,但佢表示要睇下完左聖誕快車期之後的感覺,然後先再決定自己的未來。不過即使里奧費迪南決定繼續留效曼聯,佢係曼聯的生涯應該只係得返一兩年,費Sir都係時候要買一個新的中堅。|
科倫個人精華片段:
http://www.youtube.com/watch?v=0O05lwY0LdU

留言


請按此登錄後留言。未成為會員? 立即註冊
    快捷鍵:←
    快捷鍵:→